Претходно
Светски рекорди поврзани со храна
Датум: 21 окт 2010
Коментари: 0
.
-
Најголемата шолја кафе
Рекордот за најголемата шолја кафе е поставен на 8-ми април, 2008 година, од страна на „Vinacafe Bien Hoa“, најголемиот производител на кафе во Виетнам. Шолјата за кафе е висока 1, 53 метри со дијаметар од 2, 33 метри, а е направена од не’рѓосувачко железо. Во нејзе биле приготвени 3 604 литри кафе, а за подготовката биле искористени 801 килограм инстант кафе и 4000 литри вода.
.
-
Најголемата свадбена торта
Најголемата свадбена торта во светот е направена во казиното Mohegan Sun, кое се наоѓа во градот Ункасвил, во сојузната држава Конектикат во САД. Таа тежела 6 830 килограми и била висока 5. 2 метри. Главниот шеф Лун Мансел имал помош од 57 луѓе за да ја направи оваа огромна торта, од која се исекле 59 000 парчиња. Рекордот е поставен на 21-ви февруари, 2008 година.
.
-
Најдолгиот хот-дог
На 4-ти август, 2006 година е поставен рекордот за најдолгиот хот-дог во светот. Направен е од производителот за месо „Shizuoka Meat Producers “ и „All-Japan Bread Association“ кои го обезбедиле големиот багет. Со измерената должина од 60, 3 метри успеал да го надмине претходниот рекорд скоро за дупло. Рекордот бил соборен во хотелот „Akasaka Prince“ во Токио, Јапонија.
.
-
Најголемиот милкшејк
Најголемиот милкшејк е направен од сопственикот на рестораните „Comfort Diners“, Ира Фрихоф. Рекордот е поставен на 1-ви август, 2000 година, а бил направен милкшејк од 22 712 литри. Сразмерно распределен, од него можеле да се направат 50 000 стандардни шејкови.
.
-
Најголемата печена мисирка
Најголемата мисирка е купена на аукција во Велика Британија на 12-ти декември, 1989 година. Тежела 39, 1 килограм, а на добротворната аукција била продадена за 4 400 фунти.
