Претходно
Што треба да правите наутро за убав почеток на денот?
Прочитајте кои ритуали треба да ги правите секој ден за денот да ви започне сјајно, а за да успеете да ги направите овие работи ќе треба да станете многу рано.
1. Направете го она што постојано го одложувате
Ако рано го започнете денот, тоа ќе ве поттикне да ги завршите работите што ги одложувате долго време. Тешките задачи оставете ги за рано наутро затоа што тогаш ќе имате најмногу енергија да ги завршите.
2. Правете го она што не стигнувате да го направите во текот на денот
Често се случува да имаат премногу oбврски, па некои луѓе се будат уште пред 5 часот за да завршат некои работи. Во овој период од денот телефонот не ѕвони, немате нови мејлови, никој не ви пречи, па ќе имате неколку часови за да ги завршите обврските што инаку не стигнувате да ги завршите во текот на денот.
3. Проверете ја електронската пошта
Ако утрото го започнете организирано, можете да бидете поефикасни. Проверете ја вашата електронска пошта за да не ви се натрупуваат пораки во текот на денот. Рано наутро, додека останатите сè уште спијат, ќе можете да се фокусирате на задачите што ви се зададени.
4. Информирајте се
Ако сакате да бидете информирани, следете ги вестите секое утро. Со помош на овој ритуал ќе знаете што се случило досега, но и што може да ве очекува во текот на денот.
5. Вежбајте
Одете во теретана рано наутро затоа што тогаш е потивко и има малку луѓе, што значи дека можете да вежбате на сите справи. Исто така, ќе ви биде полесно да се сконцентрирате бидејќи никој не е расположен да зборува толку рано. Освен тоа, ќе се чувствувате подобро во текот на целиот ден.
6. Време за хоби
Искористете го утрото за вашето омилено хоби. Разбудете се порано и искористете го овој период од денот за да ги истражите своите страсти, без разлика дали станува збор за пишување, за уметност или за музика.
7. Возење велосипед
Некои луѓе возат велосипед веднаш откако ќе се разбудат уште пред да го вклучат мобилниот телефон или да ја проверат електронската пошта. На овој начин, можете да размислувате за сè што ве оптоварува и ве вознемирува.
8. Време за читање
Овој период од денот е одличен за читање книги, особено ако сте мајка на мали деца, па ретко имате време за тоа. Кога ќе се разбудите рано наутро, мозокот ви е доволно буден за да се фокусирате на читањето и во куќата е мирно затоа што децата сè уште спијат.
9. Време за себе
Разбудете се порано за да имате време да изберете облека, да ја средите косата и да се нашминкате. Тоа ќе ви помогне да се чувствувате подобро и посреќно во текот на денот.
10. Прво кафе
Уживајте со вашето милениче и со шолја кафе. Опуштете се и слушајте ја тишина која е тешко да ја најдете во текот на денот.
Прочитајте кои други утрински ритуали ќе ви го подобрат расположението.
