Прекрасна поема која ќе ве потсети колку всушност животот е краток

Се жениш пред 30-тите, затоа што така треба.
Нормален си.
Имаш две деца.
Диплома.
Работа.
Сметки за струја.
Сметки за телефон.
Летување од десет дена.
Можеби 15.
Викенд одмор во Виена.
Плус здравствено осигурување.
Плус животно осигурување.
Пензиско осигурување.
Сметки за греење.
Брзаш дома од канцеларија.
Денес е недела.
Водиш љубов на секои две недели.
Со изгаснато светло.
Мирно.
Мисионерски.
Некогаш и во четврток кога ќе ти откаже психијатарот.
Биди нормален.
Петок е денот кога твојата едноставна жена готви боранија.
Се откажа од сонот да одгледуваш пчели.
И од тоа често да се смееш.
Одиш во вежбалница, затоа што така треба.
Возиш во колона.
Никого не претекнуваш.
Нешто не можеш повеќе да сакаш.
Би сакал.
Подоцна и тоа исчезнува.
Лажеш дека си добро.
Лажеш дека се смееш.
Лажеш.
Не ти смета прашината на омилената плоча.
На целиот грамофон.
Кришум пушиш.
Ги пцуеш возачите.
Ги пцуеш пешаците.
Ги пцуеш велосипедистите.
Ги пцуеш соседите.
Ја пцуеш жената.
Ги пцуеш децата.
Го пцуеш Господ
Го пцуеш животот.
Сметки. Сметки. Сметки.
Имаш премногу брчки.
Имаш неколку години поминати во странство.
Некое бегство од вистинскиот ти.
Некогаш се опиваш.
Никогаш сам.
Со друштво.
Затоа што така треба.
Пееш, затоа што велат дека таквите луѓе се радосни.
Во август го отплаќаш кредитот.
Имаш 20 години вишок.
Чекаш лифт.
Морничаво си мирен кога се расипува.
Чекаш во ред.
Чекаш во банка.
Чекаш жена ти повторно да ти каже „те сакам“.
Чекаш повторно да ја засакаш.
Чекаш лето.
Чекаш децата да завршат со образование.
Чекаш да ја омажиш ќерката.
Чекаш да го ожениш синот.
Чекаш да се пензионираш.
Ја чекаш следната година.
Ја чекаш следната година.
Ја чекаш следната година.
Ја чекаш следната година.
Ја чекаш следната година.
Чекаш подобри времиња.
Чекаш подобро утре.
Да бидеш среќен.
Исклучи се.
Оди бос.
Тогаш смееш да одиш и по тревата.
Капи се додека не зазори.
Зборувај за нештата што ги сакаш.
Никогаш не ги превртувај палачинките со нож или со рака, само со фрлање во воздух.
Не грижи се, ќе ја одлепиш од плафонот.
Научи да кршиш јајца со една рака.
Играј си со услужната каса во супермаркет, тоа е благодат.
Лулај се во три часот наутро.
Порачај 5 топки сладолед.
Насмевни се на предупредувањето „Само за деца, пројди под прскалките во паркот!“
Застани пред врата со сензор, плесни со рацете и преправај се дека се отворила на твоја заповед.
Пушти капка-две на врела рингла и замислувај дека си магионичар кој фрла магии (ако немаш врата на сензор во близина на куќата).
Шетај покрај река.
Пикни прст во неа, нема да останеш без него.
Води љубов.
Наутро.
Напладне.
На самрак.
Навечер.
Во два.
Во три не можеш, тогаш треба да одиш да се лулаш.
Постојано води љубов.
Секаде.
И не со секого.
Никако не со секого.
Ако имаш прилика да водиш љубов на некој кров од зграда или на сликарско платно целиот покриен со боја и косата потопена во темпера НАПРАВИ ГО ТОА.
Ако ја немаш таа можност, прво купи платно – создади ја.
Сликај – со неа.
Или со него.
Закачете ја сликата над каминот.
Нека вашите гости секогаш ве прашуваат од кого е сликата.
Мистериозно насмевнете се.
Држете се за рака под масата.
Погали ја по стомакот каде што се наоѓа ремек-делото на вашата сликарска техника.
Бакнувај.
Прегрнувај.
Скокоткај.
Играј.
Опростувај.
Сонувај.
Патувај.
Не пропуштај правење фигури од пластелин.
Не го пропуштај првиот јоргован.
Ни последната лубеница.
И да се намачкаш со јогурт.
Или да причуваш нечие милениче.
Смеј се.
Смеј се многу.
И не ја покривај устата со рака затоа што имаш еден крив заб, само нека е здрав.
Повеќе болат кривите патишта во животот.
Прави мусака.
Прави семеен турнир во карти.
Читај цел викенд.
Покисни.
Слушај музика со ризични децибели.
Обој ја собата во жолто.
Пеј, ако така се чувствуваш.
Плачи, ако така се чувствуваш.
Купи шатор.
Најголемиот во продавницата.
И опрема за кампување.
Сложувај сложувалки.
Редовно јавувај им се на родителите, затоа што така сакаш.
Јави се иако е премногу доцна.
Посоли ако не е солено.
НЕ заборавај на пријателите.
Не заборавај работи по „џебовите“, таму се наоѓаат некои важни ситници.
Стави малку вишок пена во бањата.
Ууу и прави балончиња.
Зборувај „старински“.
Некогаш само прелажи се.
Зборувај за нештата што ги сакаш.
Зборувај за луѓето што ги сакаш.
Не е тешко да најдеш луѓе кон кои не си рамнодушен.
Не е тешко да љубиш.
Зборувај за нештата што те мачат.
Зборувај. И слушај.
Биди грижлив и милостив.
Помоли се кога искрено чувствуваш.
Негувај ја љубовта.
Кажувај „НИЕ“ наместо „јас“.
НЕ бегај од себеси. Не плаши се.
Убав си и насмеан и намуртен.
И што ако знаеш само два акорди на гитара.
Гради во себе, не околу себе.
Засади хектар калемени цреши.
Донеси ѝ на баба ти семе за нане и оригано од службен пат.
Чекај, па ти не си бил на службен пат.
Си станал она што сакаш.
Па тогаш оди на пазар и купи.
Биди креативен, НИШТО НЕ Е ГЛУПАВО ако е со вистинска намера.
Обој го својот свет.

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?