Претходно
Поучна приказна: Мудрецот и просветлувањето
Понекогаш сѐ што е важно е да останете фокусирани во сегашниот момент и целосно да му се предадете. Најчесто не е потребно ни да поседувате некои посебни вештини или знаења, за да можете да ги почувствувате придобивките од она што ви се случува. Во продолжение погледнете ја и оваа кратка поучна приказна која ќе ви покаже дека сѐ што ви е потребно е комплетно да му се препуштите на моментот, за да можете да постигнете одредено ниво на среќа и благосостојба.
Еден човек посетил еден мудрец, со надеж дека ќе добие совети за свое просветлување.
– Каде треба да барам просветлување?
– Овде.
– Кога ќе се случи тоа?
– Тоа се случува токму во овој момент.
– А зошто не го чувствувам?
– Затоа што не гледаш.
– А што да гледам?
– Ништо, доволно е да гледаш.
– Во што?
– Во што било на што се фокусирани твоите очи.
– Морам ли да гледам на посебен начин?
– Не, доволно е на обичен.
– Па, зар не гледам секогаш на обичен?
– Не.
– Зошто не?
– Затоа што за да гледаш, би морал целиот да бидеш овде. А ти најверојатно си на друго место.
