Претходно
Од обични до совршени: Освежете ги старите фармерки со помош на цветни детали!
Доаѓањето на убавото време во нас буди навистина прекрасни чувства, имаме поголема инспирација за да експериментираме со модата, да им се радуваме на цветните дезени, пастелните бои и светлите фармерки… Добрата вест во сето ова е тоа што нема потреба да купувате нови, скапи парчиња облека, туку едноставно разбудете ја креативноста во вас и редизајнирајте ги старите прачиња облека! За денес, ви претставуваме една интересна идеја, со која ќе ги претворите старите фармерки во нови, освежени и шик модели со цветни детали.
Кога може истиот модел да го носи и Блејк Лајвли, зошто да не можете и вие?
Потребен материјал:
- Стари фармерки
- Бела боја за ткаенина
- Барем две нијанси на розова боја за ткаенина
- Четки
Чекор 1: Најнапред, послужете се со белата боја. Неуредно испрскајте ги фармерките со бела боја, на тој начин што ќе ја потопите четката во разредена боја и ќе ја протресете неколку пати над фармерките.
Чекор 2: Потоа направете неколку произволни потези со четката по површината на фармерките за да ги избелите на неколку места.
Чекор 3: Користете тенка четка и црна боја за да ги исцртате гранките.
Чекор 4: А потоа, комбинирајќи ги светлите и темните нијанси на розова боја, нацртајте ги ливчињата на цветовите насекаде по гранките.
Чекор 5: Нацртајте ваква гранка на предниот, десен џеб, а потоа, повторете ја истата постапка на задниот, десен џеб.
И на долниот дел од левата ногавица.
Чекор 6: Оставете ја бојата да се исуши, исперете ги фармерките на ниска температура и откако ќе се исушат, тие ќе бидат спремни за прошетка низ градот.
Никој нема да има сличен модел како вашиот!
