Претходно
Николас Кејџ продава уште еден луксузен имот
Датум: 08 апр 2011
Коментари: 0
Американскиот актер и режисер Николас Кејџ, има снимено повеќе од 60 филмови во својата богата кариера. Но, тој е познат и по неговата навика да инвестира во недвижнини низ светот. До пред некоја година тој поседуваше 7 имоти, меѓу кои имаше четири вили на територија на САД и Англија, еден замок во Англија, еден луксузен апартман во Њујорк и приватен остров на Бахамите.
Иако тој моментално се наоѓа во очајна финансиска состојба, сепак вредноста на неговите имоти и понатаму останува доста висока. Досега успеа да продаде 3 од нив, а на продажба стави уште два. Оваа луксузна хациенда која се наоѓа во Лас Вегас е еден од оние имоти кои моментално се достапни на пазарот. Таа е распослана на 1.300 квадратни метри и е ставена на продажба за цена од скоро 9 милиони американски долари или поточно 8,9.
Оваа импозантна резиденција има неверојатен поглед кон градот на гревовите, 7 спални соби, лифт, домашно кино, прекрасен спа-центар, огромен базен, гаража за 16 автомобили и уште многу, многу други работи.
Некои делови од оваа куќа, наликуваат на богат хотел исполнет со интригантни уметнички дела и луксузен мебел.
