Претходно
Најдобрите европски градови за студирање
Датум: 11 јан 2016
Коментари: 0
Овие прекрасни европски градови кријат одлични универзитети кои ве чекаат токму вас. Доколку планирате да студирате во странство, тогаш без сомнение би требало да размислите за следниве неколку градови каде што ќе запознаете нови луѓе и различни култури. Тие не само што се најдобриот избор за студирање, туку се и идеални за живот за студентите. Погледнете за кои станува збор…
Краков (Полска)
Центарот на културниот живот на Полска веќе долго време привлекува студенти од целиот свет поради квалитетот на универзитетите, како и поради богатиот ноќен живот. Во Краков се наоѓа и вториот најстар универзитет во Европа, Јагиелонски, кој датира од 14-от век.
Хајделберг (Германија)
Овој универзитетски град во 2014 година бил прогласен од страна на Унеско како град на литературата и токму затоа се претворил во идеален за љубителите на книгата и студентите на книжевноста. Оние кои студираат уметност и архитектура ќе бидат одушевени од неговите историски градби.
Болоња (Италија)
Универзитетот во Болоња е најстариот во Европа, па токму затоа и овој град е еден од најголемите студентски центри. Во моментов таму студираат над 100.000 млади луѓе, што претставува четвртина од целата популација. Од друга страна пак, традициите и културното богатство привлекуваат и многу туристи.
Упсала (Шведска)
Овој град во Шведска се наоѓа на околу 70 километри од Стокхолм, и секоја година е нов дом на голем број студенти кои доаѓаат од околу 17 различни земји. Како важен универзитетски центар, тука се негуваат традиции од повеќе векови, како и систем на студирање кој веќе 600 години е непроменет.
Оксфорд (Англија)
Оксфордскиот универзитет е најпознатиот универзитетски центар во светот. Тој се состои од 30 колеџи и придружни згради, а тоа што е специфично за него е фактот што нема централна универзитетска зграда. Бројните пабови и големиот број студенти го збогатуваат добро познатиот ноќен живот кој дополнително привлекува нови млади момци и девојки.
