Најчудните Гинисови рекорди за 2014 година

Од најбрзата спринтерка на потпетици, до најмалото магаре на светот, Гинисовата книга на рекорди за 2014 година, повторно ни ги претставува најинспиративните луѓе, животни и предмети на планетава. Погледнете ги некои од најчудните рекорди во книгата.

Најбрзо одење на раце и нозе назадечки

Лилејни Франко поминала 20 метри одејќи наведната наназад на раце и нозе и тоа за цели 10,5 секунди.

Најмалото магаре Ni Hi

Со висина од само 64,25 см, Ni Hi е најмалото магаре на светот. Тоа е во сопственост на Џим и Френки Ли од Флорида.

Најмалиот автомобил во кој можете да се возите

Најмалиот автомобил во кој можете да се возите е висок само 63,5 см, а долг е 126,47 см. Креиран е од страна на Остин Кулсон.

Најбрзото одење на куче по јаже

Најбрзото кучешко одење по јаже го постигнал Ози од Норфолк во Велика Британија. Тој јажето го поминал за цели 18,22 секунди.

Најголемите тапани за свирење

Најголемиот сет тапани се за 5,2 пати поголеми од стандардните. Создадени се од тимот наречен „Drumartic“ кои доаѓаат од Австрија.

Најголемиот велосипед кој може да се вози

Создаден од Германецот Диди Сенфт, овој велосипед е влезен во книгата на рекорди како највисок, со дијаметар на тркала од цели 3,3 метри и истиот може да се вози.

Најголемиот мотор кој може да се вози

Најголемиот мотор е висок 510 сантиметри сметано од земјата до рачките. Него го создал Италијанецот Фабио Реџиани, кој го испробал на терен, возејќи 100 метри.

Најбрзо трчање на потпетици

Џулија Плечер од Германија е жената која може да истрча 100 метри за 14,531 секунди, носејќи високи потпетици на нозете.

Најголемата колекција правосмукалки

Британецот Џејмс Браун поседува 332 различни модели правосмукалки, што е доволно за тој да се најде во книгата, како најголем колекционер.

Најмалото куче на светот

Најмалото куче во светот во однос на висина, е чивавата Мили, која е висока само 9,65 сантиметри од нозете до грбот, а нејзин сопственик е Порториканката Ванеса Семлер.

Најголемата колекција предмети од „Star Wars“

Стив Сансвит е човекот на кој можат да му позавидат сите фанови на Star Wars. Тој има собрано околу 300.000 предмети инспирирани од франшизата. Во каталогот досега се утврдени точно 68.592 предмети што сепак го прави рекордер.

Најголемиот робот што се движи

Најголемиот робот што оди е висок 8,20 м, широк 12,33, а долг 15,72 м. Го направила компанијата „Zollner Elektronik AG“ од Германија.

Најдолга дестинација која ја поминала една коза на скејтборд

Една коза на скејтборд извозела повеќе од која било друга и поминала цели 36 метри. Нејзиното име е Хепи од Флорида, а далечината ја поминала за 25 секунди.

Мачката со најдолго крзно во светот

Полковникот Мјау (Colonel Meow) доби награда за најдолго крзно на мачка што е запишано во Гинисовата книга на рекорди за 2014 година. Неговото крзно во просек е долго 23 см (9 инчи), а потребно било 3 ветеринари независно да измерат по 10 влакна… Прочитај повеќе

Најниското лимбо-скејтање

Младиот Индиец Рохан Аџит Кокни постави нов Гинисов рекорд за најниско „лимбо скејтање“ под пречка, со висина од 25 см, на далечина од 10 м.

💗 Денес ви споделуваме рец

💗 Денес ви споделуваме рец

💗 Погледнете ги овие невер

📢 Денес ви споделуваме рец

Следете нѐ на Инстаграм