Претходно
Нацистички бункер во подземјето на Париз
Датум: 22 фев 2013
Коментари: 0
Под една од најпрометните железнички станици во Париз, се крие бункер од 120 квадратни метри, кој започнале да го градат Французите, а го завршиле Германците за време на четиригодишната окупација во Втората Светска војна.
Илјадниците патници кои секојдневно патуваат преку станицата „Gar d lest“, не знаат дека под нивните нозе или поточно помеѓу пероните 2 и 3 се наоѓа стар бетонски бункер. Станицата е направена во 19 век, а бункерот сега е во сопственост на Националната железница на Франција, која одлично се грижи за него, иако тој е затворен за јавноста.
Во случај на некаква незгода, во бункерот можат да се засолнат 70 луѓе, а во него има генератори и телефонски центар. Поголемиот дел од првобитната опрема е сè уште на свое место. Во случај на потполно снемување на електрична енергија, има дури и генератор на педали.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
