Претходно
Мајмунка и тигарче се однесуваат како мајка и бебе
Мајмуните се најблиските роднини на луѓето, имаат слична генетика, но очигледно не се однесуваат исто како мајките од човечки вид. Мораме да признаеме, воопшто не е секојдневна појава да се види нешто толку пријатно и чудно во исто време!
Во текот на минатиот викенд, двегодишното шимпанзо Дуду е видено како му дава да пие млеко на шеесетдневното бебе-тигар Аорн, во тајландската крокодилска фарма и зоолошка градина Самут Пракан. 
Дуду и Аорн се чувствуваат сосема природно еден до друг и најверојатно мислат дека се крвно поврзани. Секој си ја зазема „природната“ улога: тигарот е гладно новороденче, на кое му е потребна заштита и нега, а шимпанзото облеано со своите мајчински инстинкти, внимателно го храни малечкото со шише со млеко. Аорн со задоволство си цица млеко од шишето, а Дуду нежно го држи во нејзините раце, како да се мајка и дете.
Дуду пивнува малку од млекото за да се осигури дека температурата е добра за новороденото тигарче.
Оваа крокодилска фарма е дом на 80.000 крокодили и е најголема во Тајланд, поради што се користи како атракција за туристи. Нејзините сопственици тврдат дека го држат под закрила најголемиот крокодил, кој е долг неверојатни 6 метри, а тежок 1.118 килограми. На редовните шоуа со крокодили, чуварите од зоолошката градина, ја ставаат нивната рака во устата на овие влекачи. Сепак, во оваа фарма не живеат само крокодили, туку како што е очигледно и мајмуни и тигри, како и слонови, лавови, коњи и нилски коњи.
Од некои необјасниви причини Дуду носи кратки фармерки, најверојатно за да си ги заштити нозете од канџите на тигрето.
Погледнете во видеово како шимпанзото кое има силен мајчински инстинкт, си игра со бебето-тигар.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
Срцки 🙂