Претходно
Кукли на пумпање „глумат“ толпа народ во филмовите
Во многу филмови се јавува потреба од учество на маса луѓе, во сцени каде што има навивачи на спортски натпревари, луѓе кои се забавуваат на концерти или во дискотеки, публика која гледа филм во кино и слично. Компјутерското генерирање слики е навистина скапо, а со статистите е тешко да се излезе на крај и плус чинат многу за да се најмат. За таа цел, компанијата „The Inflatable Crowd“ нуди алтернативно решение на овој проблем – 300.000 пластични манекени на дување за употреба во филмски сцени, каде треба да има голема маса луѓе.
Компанијата е оформена во 2002 година за креирање сцена со толпа луѓе во филмот „Сибискит“. Подоцна нивната монтажна пластична публика на дување се појави во уште 80 филмови, меѓу кои има и многу познати како што се „Говорот на кралот“, „Фрост/Никсон“, „Американски гангстер“, „Спајдермен 3“ и многу други. Овие пластични мажи и жени се исто така составен дел од сцените на многу ТВ серии и реклами. 
Во продолжение следуваат неколку фотографии со пластичните луѓе сликани одблизу и оддалеку, како што ги гледаат гледачите. 
Пластичните кукли најпрво се вадат од нивните кутии и се дуваат. 
Потоа се облекуваат. Сè уште немаат реални човечки лица. Маските за лице, заедно со периката, капата и слично се ставаат откако куклите ќе бидат комплетно облечени. 
Одблизу надуваните кукли изгледаат ужасно неуредно и вештачко, но под одредено прилагодување на светлото и соодветен агол на снимање со камерата, тие изгледаат сосема добро и не се забележува дека не се вистински луѓе.
Сцена од филмот „Американски гангстер“ со 1.500 надувани кукли
Сцена од филмот „Машка пепелашка“ со 11.000 пластични кукли
Сцена од филмот „Ние сме Маршал“ со 2.400 кукли на дување
Сцена од филмот „Замена“ со 400 кукли
Сцена од филмот „Пат кон славата“ со 4.000 пластични кукли
550 надувани кукли подготвени за „глумење“ во сцена од филмот „Ангели и демони“
Сцена од филмот „Машка пепелашка“ со 11.000 пластични кукли.
