Претходно
Кои се најубавите водопади во светот?
Датум: 20 јул 2022
Коментари: 0
Денес ве водиме на прошетка низ најубавите водопади во светот!
Викториини водопади
Водопадот се наоѓа во јужна Африка, на границата помеѓу Зимбабве и Замбија и е широк преку 1,5 километри со пад од 128 метри. Името го добил по англиската кралица Викторија и има просечен проток од 1 милион литри во секунда. Овој водопад се смета за едно од седумте природни светски чуда.
Нијагарски водопади
Станува збор за низа водопади кои се наоѓаат на реката Нијагара, на границата помеѓу САД и Канада. Нијагарските водопади се најпознатите водопади во Северна Америка. Низ нив течат околу 110.000 метри кубни вода во минута. Несомнено, се работи за еден од најмоќните водопади не само на американскиот континент туку и во светот.
Ангелски водопад
Ангелскиот водопад е едно од најневеројатните природни чуда што морате да го посетите еден ден. Тој е највисокиот водопад во светот со висина од 979 метри и со слободен пад на водата од 807 метри. Се наоѓа во Венецуела, а интересен факт е дека силните ветрови ја разнесуваат водата при падот, па така таа се менува во магла пред да дојде до земјата. Тоа се должи на големата висина на водопадот.
Плитвички водопади
Ова чудо на природата се наоѓа во националниот хрватски парк Плитвички езера и е формирано од низа помали и поголеми водопади кои поврзуваат 16 водопади. Смарагдната боја се должи на присуството на травертин кој настанал под дејство на мовта и алгите. Паркот е дел од листата на УНЕСКО на светско наследство и секоја година е посетуван од илјадници туристи.
Откако прочитавте за најубавите водопади во светот, можеби ќе сакате да прочитате и за импресивните водопади во Мароко – рај на планините Атлас, во предворјето на Сахара.
Извор: allwomenstalk.com
