Претходно
Кои се и какви се најсреќните врски?
Среќната љубовна врска вклучува меѓусебно почитување, разбирање, поддршка и подготвеност за компромис. Едно ново истражување покажало дека постои уште еден показател дека сте во среќна врска.
Луѓето во сериозни љубовни врски се навикнати да делат сè, односно речиси сè. Додека повеќето парови немаат проблеми со делењето на храната, тоалетот и сметките, многу луѓе се воздржани кога станува збор за споделувањето на нивните најинтимни мисли.
Истражувањето дошло до заклучок дека можноста да разговарате со партнерот целосно искрено, и тоа буквално за сè, кажува многу за квалитетот на врската.
Во истражувањето учествувале парови кои во просек биле заедно две и пол години. Испитаниците требало да одговараат на прашања за тоа колку им е добра комуникацијата со партнерот, колку се задоволни од сексуалниот живот, колку разговараат за секс, за што разговараат со партнерот и дали се подготвени да разговараат и за непријатни теми.
Се покажало дека паровите кои си ги откриваат и најинтимните мисли се во најсреќни врски, најзадоволни од сексуалниот живот и сметаат дека имаат силна поврзаност со партнерот.
Погледнете ги и знаците кои покажуваат дека сте во среќна и здрава врска.
