Претходно
Како да се ослободите од непријатната миризба на пластичните садови?
Сте подготвиле нешто ароматично и сте сакале да ви биде спремно јадењето за наредниот ден, па сте го ставиле во пластичен сад. Храната сте ја изеле, садот е измиен, но упорната миризба останала. Во продолжение дознајте како ефикасно да се ослободите од мирисот од пластичните садови.
Сода бикарбона
Направете смеса од сода бикарбона и вода. Истругајте ја внатрешноста со смесата и оставете да отстои еден ден. Потоа исплакнете го садот, но доколку сè уште мириса, повторете ја постапката.
Сок од лимон
Сокот од лимон е природно средство за чистење. Само измијте го садот со овој сок или пак стругајте го садот со кора лимон за да се ослободите од непријатната миризба.
Кафе
Истурете кафе во садот, затворете го и оставете така сè додека не исчезне миризбата.
Весник
Весниците можат да ја впијат непријатната миризба. Свиткајте неколку страници, ставете ги во садот и затворете го. Оставете го така ден-два и миризбата ќе исчезне.
Активен јаглен
Ставете неколку таблети активен јаглен во садот и нека стои затворен сè додека не ја снема миризбата.
Сол
Сипете сол додека не се прикрие дното на садот. Потоа исперете го садот и ќе биде спремен за употреба.
Погледнете го и овој едноставен трик на Марта Стјуарт за одлепување на налепници кој ќе ве воодушеви.
