Претходно
Како да го намалите нивото на кортизол за само 20 минути?
Урбаниот живот вклучува многу стресни ситуации секој ден. Зафатеното секојдневие и многуте обврски прават повеќето луѓе да се чувствуваат истоштено одвреме-навреме, под притисок и под голем стрес.
Истражувањето на д-р Мери Керол Хантер од Универзитетот во Мичиген докажа дека времето поминато во природа значително ги намалува негативните последици од урбаниот живот.
„Одамна е познато дека престојот во природа го намалува нивото на стрес, но не знаевме до кој степен. Нашата студија покажа дека е потребно да поминувате 20-30 минути секој ден во природа“, посочува авторот на ова истражување.
Може да шетате во блискиот парк или во шумата, да возите велосипед, да седите на тревата или да медитирате. Важно е да бидете опкружени со зеленило и природа, далеку од градскиот шум.
Во ова истражување учествувале 44 лица и траело 8 недели. Сите учесници престојувале во природа трипати неделно, најмалку по 10 минути. Им било препорачано да избегнуваат разговори, да не користат социјални мрежи, Интернет и телефон. Тоа било единственото ограничување, а учесниците имале слобода да избираат активности во природа и да истражуваат.
Сите учесници дале примероци на плунка пред почетокот на истражувањето, а потоа повторно по првата, третата и последната недела. Резултатите покажале дека нивото на кортизол (хормон на стресот) се намалило за 21% кај луѓето кои поминувале 20-30 минути во природа секој ден или секој втор ден.
Врз основа на ова истражување, се заклучува дека е потребно да се издвојат само 20 минути на ден за да се одржува рамнотежа на нивото на кортизол и да се намали стресот. Ако често останувате во природа, ќе бидете психички и физички поздрави.
Исто така, многубројни истражувања покажуваат дека физичката активност на отворено и медитацијата во природа можат да бидат многу важни за регулирање на менталното здравје.
Прочитајте како да го активирате хормонот на среќата за само неколку минути.
