Исповед на жена на која менопаузата ѝ го направила животот вистински пекол

Кога бев девојка, се мразев и себеси и целиот свет кога ќе добиев менструација. Болка во стомакот, мозолчиња, грчеви, плачење секој месец… Потоа се омажив, родив едно дете, а по две години и второ. Циклусот ми стана редовен, траеше од 3 до 5 денови и имав помалку болки.

Ми се чини како после породувањето сè да се поправи, баш како што ми кажа докторот додека бев млада. Навистина сум одговорна за своето здравје и редовно одам на гинеколог. Сега кога децата пораснаа и си посветувам повеќе внимание, невозможно е да не забележам некои промени.

Околу мојата 45-та година почнаа промените во траењето на циклусот. Менструацијата си ја промени должината, но и обилноста. Кога имав 48 години се менуваа деновите кога добивав. Некогаш добивав на 21-виот, некогаш на 28-иот ден, а имаше периоди и кога ми доцнеше по цел месец. Секогаш кога добивав бев благодарна за тоа. Иронија на животот!

Знаев дека не сум бремена и тогаш се појавија и другите симптоми – често будење навечер, намалена желба за секс, раздразливост и депресија. Истовремено плачев и ја барав причината за тоа. Плачев ако сопругот си дојде од работа и не ме бакне, а секое грубо затворање на вратата беше причина за расправија.

Кога во 51-вата година забележав дека не добив три месеци по ред, отидов на гинеколог. Покрај сето ова, таа ми кажа и дека кожата ми е влошена, косата поретка, а ноктите пократки. Дома се вратив во полоша состојба отколку кога излегов. Депресијата траеше со недели, не можев да се помирам со тоа што вагата покажуваше 65 иако цел живот имав помалку од 60 килограми. Ниеден фустан не ми беше точен, а косата морав да ја скратам.

Животот воопшто не нè разгалува нас жените. И тогаш, еден ден нешто кликна. Ќерка ми ме однесе на шопинг и ме убеди да купам неколку нови работи кои „не се за баби“. Се запознав со своето тело и бев подготвена да му помогнам. Почнав да пијам витамини за жени во менопауза, да користам креми за моја возраст и средства за коса што ми ја вратија во живот.

Сфатив дека сè може да се реши, само ако имате желба. Килограмите почнаа да се намалуваат кога престанав да јадам како да имам 25 години и кога внесував повеќе овошје и зеленчук. Вежбам два пати неделно и секој ден го шетам кучето по неколку пати. Засега е доволно. Лекарот ми вели дека сум во менопауза, но јас повеќе не се чувствувам така.“

САКАТЕ ДА ГИ ДОБИВАТЕ НАШИТЕ СОДРЖИНИ НА ИМЕЈЛ?