Претходно
Интересни магнети за фрижидер
Датум: 20 окт 2010
Коментари: 0
Овие интересни магнети можат да ви дојдат како интересен нов детаљ во вашата кујна. Нивната практичност секогаш може да ви послужи за да не заборавите нешто или пак за да им оставите порака на вашите најблиски. Следниве неколку креативни магнети ќе ве воодушеват, а најдоброто од сѐ е што доколку ви се допаѓаат, можете веднаш да си порачате некој од нив преку интернет.
Магнетите во облик на ајфон апликации имаат двојна примена. Покрај основната и естетската, нив ќе можете да ги искористите и како потсетник за вашата наредна активност (готвење, телефонски повик, читање весник и слично). Сетот со магнети ќе биде ваш за 12, 36 долари.
Нинџа ѕвездичките се навистина несекојдневен и впечатлив додаток за вашиот фрижидер. Иако чинат 18 долари, вредат да се имаат.
Овој стилски магнетен календар е направен од дизајнерот Серхиј Чеботарјов. Лесно приспособливиот календар, ќе ви овозможи потенцирање на важните датуми и лесно планирање на работните обврски.
Интересен дизајн за сите љубители на филмот „Војна на Ѕвездите“. Дел од ликовите изработени во лего стил, отсега ќе можат да го красат вашиот фрижидер. Цената на овие магнети е 24, 5 долари.
Дигиталната фото рамка е одлично и впечатливо парче, кое ќе ве потсетува на убави моменти и спомени кои сте ги овековечиле со фотографии. Откако ќе ги внесете сликите во мемориската картичка на рамката, тие ќе се вртат една по друга, во вид на слајд шоу. Чини нешто повеќе од 34 долари.
