Претходно
Хумана идеја: Улични шкафчиња за донација на храна и средства за хигиена
Џесика Меклард е идејниот творец на малите улични шкафчиња во кои можат да се оставаат храна и средства за хигиена во градот Фајетвил, Арканзас, а се наменети за луѓето од соседствата кои се наоѓаат во тешка финансиска состојба.
Таа го забележала големиот успех што го постигнале уличните мини библиотеки за размена на книги и оттаму дошла на идејата да создаде модел за размена на храна и основни средства за хигиена, кои би им послужиле на луѓето од соседствата чијашто финансиска ситуација не е најповолна. Откако Меклард нашла средства да го изгради и постави првото шкафче во близина на локалната црква, идејата наишла на голем успех и одобрување од заедницата. Сега таа има голем број фанови на социјалните мрежи, а малите дрвени шкафчиња никнуваат како „печурки“ и во други градови.
Ова е еден прекрасен пример како едноставна идеја може да прерасне во значаен социјален и хуман проект.
Едноставните шкафчиња се претвориле во симбол на сочувство и дарежливост.
Првото шкафче било поставено на 10-ти мај 2016 -та година, во близина на локална црква во Фајетвил.
Џесика се изненадила од тоа на колку добар одѕив наишла нејзината идеја. Шкафчињата секој ден се преполни со храна којашто ја оставаат хуманите луѓе.
Идејата ја преземаат и во други делови од градот, како и пошироко.
Путер од кикирики, пелени за бебиња и средства за хигиена се производите кои секогаш ги има на располагање.
Кога едно од дрвените шкафчиња било поставено во близина на училиште, тоа освен со храна, почнало да се полни и со училиштен прибор.
