Претходно
Дали знаевте дека топлите пијалаци можат да ве разладат во лето?
Дали знаевте дека топлите пијалаци можат да ве разладат? А еве како:
„Кога пиеме топол пијалок, повеќе се потиме, а кога се потиме, тоа повеќе нè разладува отколку, да речеме, ладен пијалок“, изјавува д-р Вилијам Корнрих, специјалист по интерна медицина во NIU Langone Medical Associates – Riverhead.
Тоа е точно сè додека не носите многу облека и не поминувате време на екстремно влажно место – бидејќи потта мора да испари за да ја извлече топлината од телото. Сепак, не размислувајте премногу за температурата на вашиот пијалак.
„Најважно е да има доволно течности во вашето тело. Во топлите денови мора да слушате што ви кажува телото. Водата е одлична, но ако постојано вршите физички активности, размислете за внесување пијалаци со електролити. Ако ви треба дополнителна помош за ладење, можете да користите мраз или ладни облоги на кожата каде што вените се малку поистакнати, како што се препоните и пазувите“, додава Корнрих.
Исто така, обидете се да останете подалеку од сонце ако имате бледа кожа, брз или слаб пулс, грчеви во мускулите, вртоглавица или гадење. Ова се знаци на топлотна исцрпеност.
Откако прочитавте за влијанието на топлите пијалаци во лето, можеби ќе сакате да прочитате и зошто е препорачливо да се носи црна облека во лето.
Извор: citymagazine.danas.rs
