Претходно
Човекот кој живее без пари
Датум: 28 апр 2012
Коментари: 0
Даниел Суело уште во 2000-та година се откажал од парите и заминал да живее во хармонија со природата. Времето го поминува во својот дом во една пештера во пустината Моаб во Јута, но само додека не патува по целата земја. Тој смета дека парите се илузија која што никому не му е потребна, а животот е најубав кога се користи само она што природата бесплатно ни го дава.
Ваквиот поглед на светот го стекнал додека волонтирал како лекар во Еквадор, каде што гледал како селаните постепено се богатат од земјоделството за потоа да купуваат работи кои не им се потребни, што според Даниел го влошило нивното здравје.
„Кога живеев со пари, постојано ми фалеше нешто. Парите претставуваат некаков недостиг. Или претставуваат нешто од минатото (долг) или од иднината (кредит), но никогаш не претставуваат нешто од сегашноста“, објаснува Даниел.
Суело се храни само со она што може да го добие бесплатно: собира шумски плодови кои растат во пустината и ги собира прегазените животни по патиштата. И покрај тоа што живее во пештера, тој сепак не е целосно изолиран од цивилизацијата. Често ја посетува библиотеката во гратчето Моаб од каде што редовно го ажурира својот блог.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
