Претходно
4 причини зошто 2020 не беше толку лоша година
На сите ни е јасно дека 2020 година не беше најдобра година, но тоа не значи дека нема работи за кои треба да бидеме благодарни. Оваа година донесе огромен број предизвици, но и добри работи. Постојаното жалење за 2020 година нема да ја промени ситуацијата во која се наоѓаме сите сега, а ширењето негативност прави повеќе штета отколку што претпоставувате. Ако сте постојано негативни во однос на 2020 година, таа негативна енергија ќе ја ширите наоколу како самиот коронавирус. Ако се борите да ја видите светлата страна на овој едногодишен вртлог, продолжете да читате за да дознаете за кои работи што можете да бидете благодарни за 2020 година.
1. Поминувавме повеќе време со нашите миленици
Иако луѓето ја сметаат оваа година за една од најлошите, вашите крзнени пријатели сигурно сметаат дека ова е најдобрата година досега. Со работењето од дома, имавте можност да бидете покрај вашите миленици повеќе од кога било досега. Луѓето секогаш се жалеа дека мразат да ги оставаат своите миленици сами кога одат на работа, а сега не мора да го прават тоа.
Исто така, домашните миленици помагаат при справувањето со стресот и со вознемиреноста. Докажано е дека галењето на вашето крзнено милениче ви помага да се смирите побрзо кога сте под стрес, а играњето со него го зголемува нивото на допамин и серотонин, што ве прави посреќни.
2. Поминавме повеќе време на отворено
Откако бевме присилени да бидеме затворени дома поради карантинот, потоа сите решивме да поминеме повеќе време во природа. Немајќи каде да одиме, освен во дневната соба или на отворено, сите одлучивме да одиме на прошетки на отворено.
3. Имавме време за нови (и стари) хобија
Речиси сите сме имале желба за некое хоби што всушност никогаш не сме го стекнале затоа што сме немале доволно време. Некои луѓе се занимаваа со уметност, други готвеа, трети испробуваа некои нови работи што ги виделе на социјалните мрежи.
Многумина од нас пронајдоа нешто ново во кое уживаа или имаа слободно време за да му се посветат на своето омилено хоби.
4. Станавме поблиски едни со други
Најважното нешто што треба да го научиме од 2020 година е тоа дека треба да бидеме тука за другите. Луѓето донира за хуманитарни цели, поддржува мали бизниси и им помага на здравствените работници. Се залагаа едни за други и ги користеа сите свои ресурси за да си помагаат меѓусебно.
Прочитајте што ќе биде со прегратките по завршувањето на пандемијата.
