Претходно
2 пони коњчиња облечени во џемпери го промовираат шкотскиот туризам
Постои ли подобар начин за промовирање на туризмот на една држава, од употребата на овие неверојатно слатки шетландски пони кончиња како главни лица за реклама?
Националниот одбор на Шкотска неодамна организираше фотосесија со фотографот Роб Мекдугал, со цел да се покрене интересот на туристите за оваа држава.
Во главните улоги се Фивла (во црвениот џемпер) и Витамин (во кафениот џемпер), а во серијата фотографии фокусот е ставен не само на слатките животни, туку и на прекрасните шкотски пејзажи покрај кои тие позираат.
Џемперите се сплетени со шетландска волна од страна на локалната плетачка Дорин Браун.
Порталот Visit Scotland, кој продава туристички аранжмани за Шкотска, постави видео во кое две жени ги облекуваат двете пони коњчиња во џемпери, како да се мали дечиња. 🙂
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
