Претходно
9 откачени играчки за деца и возрасни кои можете да ги управувате со вашиот смартфон
Играчките не се само за деца. Затоа овие девет прекрасни и откачени играчки можат да се контролираат со смартфон, една од вашите омилени играчки.
1. Оли
Оли е мала играчка која прави сè што ќе посакате преку вашиот смартфон или таблет. Може да се врти, превртува и да прави слични други нешта со брзина до 22 км/ч. Може да се контролира и на оддалеченост од 30 метри.
2. Смарт авион
Смарт авионот е бавен авион кој може да го летате внатре и надвор, а го управувате преку посебна апликација која ви овозможува преку екранот на смартфонот да влезете во пилотска кабина. Не мора да сте искусен пилот, затоа што има помош за летање, исто како и кај видео игрите.
3. Тенкбот
Тенкботот може да го пуштите сам да ги совладува пречките на својот пат, а може и да го контролирате преку смартфонот. Многу лесно се движи. Можете самите да си играте со него или да се натпреварувате и тркате со други сопственици на оваа играчка.
4. Безжичен шпионски тенк
Ова е малку опасна играчка. Може да ја пратите каде сакате, а таа директно ќе ви пренесува преку видео врска за она што се случува таму. Шпионскиот тенк може да отпатува 60 метри далеку од вас. Одлично снима и во ноќни услови, а освен тоа што ќе слушате сè што тој „слуша“, ќе можете преку него и да се обратите на оние кои ги шпионирате преку неговите звучници.
5. Ромо
Ромо е робот кој ги учи децата, па и возрасните, за роботика и програмирање. Тој знае да детектира лица, да „брка“ нешто кое се движи и да служи како платформа за видео повици. Можете да му дадете да изврши некоја мисија со помош на вашиот смартфон.
6. МОТО ТЦ Рели
Смартфонот сега можете да го користите како далечински управувач за количка со која ќе се тркате со некој друг. Количките на далечинско управување не се ништо ново, но денешната технологија овозможува преку екранот да седнете на возачкото седиште и да се тркате со некој друг, а апликацијата да „додава“ оштетувања на вашиот автомобил секогаш кога ќе се судрите со нешто.
7. Петкјуб
Петкјуб се поврзува со смартфонот и од тој момент можете да го оставите вашето домашно милениче само дома и преку него да му зборувате, да го гледате и да си играте со него ако најдете начин за тоа.
8. Хартиен авион
Пауерап е компанија која го произведува овој пакет со којшто вашиот хартиен авион ќе го претворите во вистинска машина која може долго да остане во воздух. Така ќе си го остварите детскиот сон со помош на еден смартфон.
9. Бубачка
Оваа бубачка не е многу забавна сама по себе, но доколку сакате да ги преплашите пријателите тогаш ќе заврши работа. Може да се управува до далечина од 6 метри.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
