КАФЕ ПАУЗА

Tag: волумен

9 трикови за поголем волумен на вашата коса

Секоја девојка сонува за густа коса со волумен. Но дури и ако вашата коса не е природно бујна, има начин да го постигнете овој изглед со неколку едноставни трикови. За овие трикови ќе ви бидат потребни предмети кои ги користите секој ден.rn

1. Чешлајте ја косата само откако ќе ја исушите

rnrnrnЗа да не ја оштетите косата додека ја сушите, користете ги само вашите прсти во процесот. Кога целосно ќе ја исушите, завршете со обликувањето користејќи голема четка за коса.rn

2. За да додадете волумен на опавчето, користете шнола за коса

rnrnrnСоберете ја косата во опавче. Потоа одделете еден прамен од горниот дел (околу 1/4 од опавчето) и зацврстете го со шнола. Спуштете го праменот за да ја скриете шнолата. Овој едноставен трик двојно ќе го зголеми волуменот на вашето опавче.rn

3. Уште еден трик за импресивно опавче

rnrnrnНаместо целата коса да ја стегнете со стегач, поделете го опавчето во два дела и затегнете го секој дел посебно.rn

4. Волумен без да трошите време

rnrnrnАко немате време за правење фризура, овој трик многу ќе ви се најде. Откако ќе ја измиете, соберете ја косата во две пунџи и испрскајте ги со лак за коса. Исушете ги пунџите со фен, оставете ги да се изладат и пуштете ги.rn

5. И шампоните за суво миење се од помош

rnrnrnНанесете шампон за суво миење на вашите корења. Нанесувајте прамен по прамен. Откако ќе се впие, исчешлајте ја косата. За резултатите да траат подолго, напрскајте ја косата со лак.rn

6. Плетенка

rnrnrnОткако ќе ја направите плетенката, почнете да извлекувате прамени од неа почнувајќи од доле. Волуменозните плетенки полесно се расплетуваат, па затоа зацврстете ја со лак за коса.rn

7. За поголема густина, исушете ја косата уште еднаш

rnrnrnКога ќе завршите со правењето фризура, исушете ја уште еднаш со фенот. Наведнете ја главата надолу и сушете неколку минути. Ова ќе помогне фризурата да трае подолго и ќе ѝ додаде волумен на косата.rn

8. Експериментирајте

rnrnrnПатецот на косата можеби изгледа како мал детаљ, но всушност има многу голема улога. Најлесно е да го промените додека косата ви е мокра. Откако ќе ја измиете, со вашите прсти направете нов патец, а потоа исушете ја косата со фен. Ако сте навикнати да носите патец на средина, пробајте да го ставите на страна.rn

9. Ако немате време за фризури, користете спреј за волуменот

rnrnrnКога немате време да ја миете и сушите косата, и да правите фризури, едноставно нанесете спреј за волумен или пена за коса на вашите корења. Разбушавете ја косата со прстите и потоа исчешлајте ја. Со ова ќе го постигнете саканиот резултат брзо и ефективно.rnrnПогледнете ги и овие трикови за поголем волумен на косата.

May 31, 2017
Што пропуштате да направите кога ја сушите косата со фен?

Постојат големи шанси дека вашата рутина за сушење на косата е следнава: Исушете ја што побрзо и излезете. Но, има еден дел кој веројатно го заборавате и кој може драстично да го подобри изгледот на вашата коса и квалитетот на влакната, како и да го спречи делењето и оштетувањето на врвовите. Во продолжение прочитајте за што станува збор и зошто е важно да ги потрошите тие дополнителни 30 секунди.rnrnrnrnШто треба да направите: Исушете ја косата како што го правите тоа вообичаено. Во оној момент кога ќе забележите дека косата е околу 90% сува, префрлете се на опцијата за сушење со ладен воздух и така досушете ја. За да имате повеќе волумен на темето, подигнете неколку прамени коса од тој дел и насочете го ладниот воздух кон корените.rnrnКако функционира: Топлиот воздух го забрзува процесот на сушење на влакната и ви овозможува да дадете која било форма на косата која што ја посакувате, независно дали е права, виткана, раздвижена или префрлена наназад. Ладниот воздух пак од друга страна, ги затвора кутикулите од косата и на тој начин го зацврстува избраниот изглед и додава дополнителен сјај.

May 4, 2016
Француски трик за убавина: Како да имате полни усни како Бриџит Бардо?

Француската актерка Бриџит Бардо е безвременска убавица која ќе остане запаметена по нејзината прекрасна руса коса, мачкиниот поглед и полните усни во розова боја. Токму нејзините усни биле инспирација за многу француски козметичари, шминкери и љубители на шминкањето и стилизирањето да пронајдат некаков трик со кој ќе можат да ги зголемат усните и притоа да изгледа природно, дискретно и не претерано. Во продолжение прочитајте ги нивните професионални совети.rnrnrnrn1. Секогаш внимавајте моливот за усни да одговара на вашата природна боја на усните, односно бојата на карминот кој планирате да го ставите за да постигнете природен изглед.rnrn2. Нанесете го моливот за усни почнувајќи од надворешните агол кон внатрешниот, малку над работ на усните за визуелно да го зголемите нивниот волумен.rnrn3. Французинките ја сакаат суптилната и ненападна шминка. Немојте да претерувате со цртањето на лаковите на усните, бидејќи нема да бидете задоволни со крајниот резултат. Имајте на ум и дека повеќето личности имаат асиметрични усни, па израмнувањето е дозволено.rnrn4. Пополнете ги рабовите на усните со кармин кој ќе го нанесете со четка. Доколку имате проблем со цртањето на прави линии, насмејте се. Насмевката ќе ги растегне вашите усни и ќе ги нагласи линиите, а со тоа ќе ви ја олесни работата.rnrnВо продолжение погледнете го видеото на професионалната шминкерка Шалрот Тилбури, која ги следи сите претходни совети.rnrn

April 21, 2016
За девојките со тенка коса: 5 супер трикови кои ќе ви помогнат да го добиете посакуваниот волумен

Единствена предност во врска со тенката коса е тоа што се суши брзо откако ќе ја измиете. Но, кога имате ваков тип коса, мора да бидете креативни ако сакате да добиете фантастичен волумен. А ние успеавме во тоа, следејќи ги овие трикови. Погледнете кои се тие трикови, кои ќе ви помогнат да го добиете потребниот волумен и кои се прифатени дури и од најпознатите уредници за убавина.rnrnrn

1. Сенка за очи – пополнување на видливиот скалп

rnКористејќи кратка и рамна четка за нанесување сенка за очи, лесно потполнете ја со боја кожата на челото каде што ви расте косата, но и патецот, за визуелно да создадете слика дека имате повеќе коса. Сигурно ќе пронајдете боја која совршено ви одговара, само ви е потребно малку трпение додека не ја пронајдете вистинската помеѓу останатите неутрални бои. За оваа намена исто така може да ви послужи и пудрата за веѓи, а најважно е да биде мат нијанса, бидејќи сјајниот корен ќе ја уништи илузијата.rnrnrn

2. Стилизирајте ја во правецот на нејзиниот раст

rnСекој чекор што ќе го направите, кога ја стилизирате тенката коса, би требало да оди нагоре. Кога ја сушите косата, чешлајте го коренот нагоре и што подалеку од скалпот, а ова исто важи и кога ја исправувате косата со преса. Кога ја фенирате, поместувајте ја во спротивната страна, наместо во онаа која најчесто ја користите. Префрлете ја наназад, ако сакате додатен волумен. Дури и предметите што ги користите за стилизирање на косата можат да направат разлика. Со кружна четка можете повеќе да ја подигнете косата и да додадете волумен. Само внимавајте да не ја влечете премногу, бидејќи на тој начин ќе го растегнете и тој мал волумен што таа природно го има.rnrnrn

3. Ставајте шампон за суво миење на косата

rnСекогаш избирајте шампон за суво миење на косата со ефект за зголемување на волуменот, но нанесувајте го пред спиење за подобри резултати. Додека спиете, мрдајќи се во сон, вие ќе го „туркате“ шампонот во коренот на косата, без нанесување додатни маснотии од кожата кои ја мрсат вашата коса и ја прават уште повеќе опуштена, бидејќи нема да ги употребувате прстите. Најважна е техниката на нанесување. Жените со тенка коса мора да го ставаат сувиот шампон во слоеви. Започнувајќи од врвот на главата, подигнете мал дел и нанесете го, потоа земете уште еден мал дел покрај претходниот и продолжете да правите така со останатата коса. За крај, оставете перницата да ја заврши останатата работа наместо вас.rnrnrn

4. Употребите шноли за вашето коњско опавче

rnОпуштеното коњско опавче е „тажно“ опавче. За да го направите визуелно побујно, вкрстете две шноли под опавчето, веднаш под неговиот корен. Овој трик ќе му даде бујност на вашето опавче и ќе го намалите ризикот за отпуштање на фризурата во текот на денот.rnrnrn

5. Додајте шнола во вашата фризура

rnКоњското опавче кое е подигнато со нешто е супер идеја, а ако со тоа имате тенка коса, тогаш е уште подобро. Сè што ви е потребно за да го поткренете е една мала шнола. Хоризонтално поделете го вашето опавче на три дела, а шнолата ставете ја под првата третина. Косата ќе падне преку шнолата и нема да се гледа, а вие ќе имате сјајно и бујно, коњско опавче.rnrn

January 27, 2016
Како најефикасно да го нагласите волуменот на усните?

Не ви е потребна ниту пластична операција ниту инјектирање на разни хемиски препарати за да направите вашите усни да изгледаат како оние на познатите светски ѕвезди. Доволно е да ги знаете следниве неколку трикови и ќе изгледате фантастично.rnrnrnrnПрвиот чекор до визуелно пополни усни е: на средината на горната и долната усна ставете малку коректор за усните да станат посветли на тој дел.rnrnПотоа со молив за усни следете ја контурата на усните или оцртајте ги малку погоре од природната линија. Ова го правите со моливче кое е за нијанса потемно од бојата на вашите усни или кое се поклопува со бојата на избраниот кармин.rnrnШто се однесува до изборот на бојата на карминот, битно е да избегувате темни и ладни нијанси.rnrnСтавете светол или провиден сјај за усни на истите места каде претходно го ставивте коректорот и инстантно ќе добиете впечаток на поголеми усни. Најдобри се розовите сјаеви, бидејќи сјајните бои и хидратантните формули најмногу ја рефлектираат светлината, притоа правејќи ги вашите усни визуелно пополни. Она што на крајот можете да го направите е да ставите малку хајлајтер над срцевидниот агол на горните усни.

December 14, 2015
Неколку трикови за фенирање кои ќе направат вашата коса да изгледа погуста одошто навистина е

Доколку сакате вашата коса да изгледа густо започнувајќи од пределот кај коренот, а со тоа и да предизвикате поголем волумен, тогаш треба да ги научите следниве техники на фенирање. Од друга страна пак, доколку сакате вашата коса да изгледа побујно, треба да знаете како правилно да ги нанесете продуктите за стилизирање на косата.rnrnrnrn1. Протресете го продуктот за стилизирање на косата. На овој начин ќе ги искористите сите негови придобивки.rnrn2. Нанесете го продуктот на неколку области. Поделете ја косата на половина и нанесете го продуктот темелно од корените до краевите притоа чешлајќи со четка со цел тој да биде рамномерно разнесен низ целата коса.rnrn3.Прво направете го вашиот патец. Нанесете го продуктот околу патецот со цел да ја обликувате косата да стои на онаа страна на која вие сакате и потоа започнете со фенирање на оној дел кој вие сакате да изгледа најбуен. И покрај тоа што фризерите често започнуваат да фенираат во задниот дел од косата, вие треба да се фокусирате на предниот и централниот дел со цел да ја подигнете косата од коренот.rnrn4. Фенирајте со тркалезна четка. Со нејзина помош подигнувајте ја вашата коса и додавајте притисок со цел да постигнете темелен волумен.rnrn5. Употребете го тенкиот додаток на вашиот фен. На овој начин како што фенирате, така ќе го насочувате воздухот кон секој дел. Доколку не го користите овој додаток, врвовите на вашата коса можат да останат бушави.rnrn6. Фенирајте или на ниска брзина и висока топлина или на ниска топлина и висока брзина. На овој начин ќе го контролирате протокот на воздухот и ќе избегнете оштетување од топлината. Доколку ги користите и двете подесувања на високо, големи се шансите дека ако не се движите премногу брзо, ќе ја изгорите вашата коса.rnrn7. Завршете со лак за коса. Зацврстете ја фризурата со цел да ви трае подолго.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

March 18, 2015
3 стилови на коса поради кои изгледате постаро

Можеби имате секакви креми и серуми против стареење, но вашата коса може да биде причина за лажните години. Факт е дека секоја жена како што повеќе старее сака да си ги скрие годините. Затоа откријте кои фризури ви додаваат неколку години плус и пробајте ги нивните помладешки верзии.rnrnrn

1. Прав боб или виткан боб

rnДефинитивно виткан, а еве и зошто. Кога стареете ги губите цртите на вашето лице. Затоа не сакате да имате остри линии и рабови во пределот на лицето. Левата фризура е целосно права и без шишки заради што се огрубува ликот, додека десната има странични шишки кои го омекнуваат изгледот и локни кои го прават лицето да изгледа пополно и посвежо.rnrn
Целосно прав боб (лошо) и виткан боб (добро)
rn

2. Волумен во горниот или во долниот дел

rnОчи со подочници и свисната кожа се најочигледните знаци на стареењето, а волуменот на косата во долниот дел прави целиот ваш лик да изгледа како свиснат. Другата фризура има мали бранови во долниот дел, додека целиот волумен е фокусиран во горниот предел, па изгледа многу полесно. Волуменот е распореден, но има малку повеќе во пределот на темето така што вниманието е насочено во горниот дел од главата, а лицето изгледа помладешко и поздраво.rnrn
Волумен во долниот дел (лошо) и волумен во горниот дел (добро)
rn

3. Целосно права или природни кадрици

rnВреме е пеглата за коса да се одмори. Правата коса го „отежнува“ изгледот и ја истакнува секоја линија на лицето, особено ако косата е многу долга. Суптилните кадрици создаваат поголемо движење, ведрина и живост на вашиот изглед. Но, ако веќе мора да биде права, тогаш барем обидете се со пократка должина, некаде до рамениците.rnrn
Права (лошо) и благи кадрици (добро)

February 2, 2015
Миризлива маска од какао за поголем волумен и побрз раст на вашата коса
Оваа маска го стимулира дејството на коренот на косата и го забрзува нејзиниот раст. Со редовна употреба, вашата коса ќе стане многу погуста и побујна.rnrnrnrnМаската за коса се базира на какао, кое не само што го зголемува нејзиниот обем туку и ја обновува нејзината структура, и ѝ дава мекост и сјај. Но, покрај одличните придобивки за здравјето на вашата коса, благодарение на нејзината арома, вашата коса ќе добие и прекрасен мирис.rn

Потребни состојки:

rn
- 110 грама кефир
- 1 кафена лажица какао
- 1 жолчка од јајце
rn

Начин на подготовка и употреба:

rnПромешајте ги заедно сите потребни состојки. Дел од добиената смеса нанесете ја на коренот и потоа расчешлајте низ целата должина на вашата коса. Кога таа ќе почне да се суши, нанесете уште еден слој, па потоа повторете уште еднаш. Откако ќе завршите со 3-те нанесувања, ставете врз вашата глава најлонска кеса и потоа замотајте ја во пешкир со цел да ја стоплите. Почекајте 20-30 минути и потоа измијте ја косата на секојдневниот начин.rnrnМаската се нанесува на нечиста и сува коса. Доколку сакате да постигнете видливи резултати, користете ја 2 до 3 пати неделно, во рок од 2 месеца. Доколку маската ја користите поретко, волуменот ќе биде видлив само веднаш по употребата.rnrnДоколку имате светла коса и редовно ја користите оваа маска постојат шанси бојата на вашата коса малку да се промени бидејќи какаото е природна боја за потемнување на косата.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
January 12, 2015
Како да ја исфенирате косата со перфектен волумен во 4 лесни чекори?

Кој вели дека не можете сами да направите вашата коса да изгледа прекрасно? Еве како да го постигнете тоа во 4 лесни чекори.rnrnrn

Чекор 1

rnПодгответе ја косата напрскувајќи ја со спреј за термална заштита. Потоа разделете ја косата во три дела: средишен – од челото до темето и по два од двете страни.rnrnrn

Чекор 2

rnПочнете од задниот дел, фаќајќи посебни прамени од долу нагоре. Поставете кружна четка под коренот, подигнувајќи ја под агол од 90 степени и движејќи ја кон краевите. За максимална текстура, замотајте ја косата околу целиот обем на четката. Бидејќи треба да дувате директно во косата, после неколку секунди изложеност на топлина, пуштајте студен воздух. Нежно отстранете ја четката, прицврстувајќи ја локната со тенка шноличка. Повторете го ова со целата коса.rnrnrn

Чекор 3

rnПотоа, од секој прамен полека вадете ја шноличката и чешлајте го со четка со меки боцки.rnrnrn

Чекор 4

rnДодадете дополнителна енергија и сексапил, така што нежно ќе зачешлувате во коренот во спротивна насока. Не тапирајте агресивно, сакате само да постигнете подигнување и пополнување. Крајниот резултат е мек волумен со меѓусебно добро поврзани влакна, без дупки и нерамнини.rnrn

January 5, 2015
Како да носите капа, а да не ви се растури фризурата?

Капите и шеширите повторно се во тренд, а сите оние кои го сакаат овој моден додаток добро знаат дека тие се голем непријател на косата. Никој не сака сплескана коса, шишки залепени за чело или наелектризирани влакна. Ако сакате да бидете модерни, а сепак да имате убава фризура, пробајте ги овие пет едноставни трикови.rnrnrn

Подгответе ја косата

rn

На косата нанесете козметички средства кои ќе ù дадат волумен. Нанесете пена за коса на влажна коса, а потоа со кружни движења нежно масирајте го коренот. Потоа наведнете ја главата надолу и со фен исушете ја косата. Трикот е во производите кои реагираат на влажност и топлина, па така со едно нанесување, можете повеќе пати да направите фризура. Откако ќе го извадите шеширот или капата, додека главата ви е сè уште топла, со влажни раце поминете низ косата и разбушавете ја со прстите и волуменот ќе биде идеален.rn.

rn

Направете практична фризура

rn

За да не се сплеска вашата коса, важно е да направите привремена фризура која ќе го задржи обликот. Исфенирајте ја косата, а потоа направете висока пунџа, ама не ја заврзувајте со ластиче, туку замотајте ја со еден прамен како полжав. Исто така, ако сакате можете да ја сплетете во плетенка (обична или внатрешна) и да ставите капче на глава.rn.

rn

Преместете го патецот

rn

Косата си има природен правец во кој расте. Овој едноставен трик навистина делува, а сè што треба да направите е да ја префрлите косата во спротивен правец од растот, пред да ја ставите капата или шеширот. Кога ќе ја извадите капата само вратете ја косата во нормална состојба. На овој начин ќе спречите косата да се сплеска и да го изгуби обликот.rn.

rn

Кренете ги шишките

rn

Безживотни шишки залепени на чело никому не му стојат добро, па затоа испробајте го овој трик. Ставете го шеширот преку шишките, а потоа полека влечете наназад сè додека шишките не останат во него. Ако имате подолги шишки прицврстете ги настрана со шнола и тоа над увото, за да може целосно да останат под капата или шеширот.rn.

rn

Ослободете се од електрицитетот

rnКосата често пати лета на сите страни кога ќе ја извадите капата, бидејќи се електризира. За да го спречите тоа, прснете на косата регенератор за коса кој не се измива, а ако не носите такво нешто во вашата чанта, можете да ги пребришете дланките со влажно марамче и нежно да поминете со рацете по непослушните разлетани влакна.rnrn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

November 18, 2011