КАФЕ ПАУЗА

Tag: психијатар

Психолог, психотерапевт, психијатар или советник, каде да се обратите за помош?

Имате проблеми со лошо расположение, не можете да спиете навечер, хронично сте уморни, немате волја да станете од креветот, тешко се сконцентрирате, често заборавате, го менувате расположението, имате самоубиствени мисли…? Ова се само дел од причините за барање стручна помош и тоа што е можно побрзо. Како да го направите вистинскиот избор помеѓу психијатар, психолог, терапевт и советник? Прочитајте каква услуга нудат овие стручни лица за да знаете кој може да ви помогне најдобро, доколку ви е потребна помош.rnrnrn

Психијатар

rnПсихијатарите се доктори кои се специјализирани за менталното здравје. Психијатарот е медицински доктор, што значи дека тој има завршено медицински факултет и специјализирал психијатрија. Бидејќи психијатарите се доктори, во лекувањето можат да користат и фармакотерапија, што е главна разлика во однос со останатите професии кои нудат помош.rnrnТие обично работат во болниците и можат да имаат пациенти кои лежат во одделот на психијатрија. Тие се консултираат со невролози, ендокринолози, педијатари, а често работат и со психолози во тим.rnrnЛуѓето бараат помош од психијатар поради панични напади, визуелни и звучни халуцинации, самоубиствени мисли, анксиозност, шизофренија… Психијатарот исто така може да биде вклучен во лечење други болести кај пациенти со психијатриски манифестации.rnrnНајчесто работат со лекови како што се антидепресиви, седативи, лекови за спиење, психостимуланси и стабилизатори на расположението.rn

Психотерапевт

rnПсихотерапијата е процес на помош кој се одвива со разговори помеѓу лиценциран терапевт и клиент. Едукацијата за психотерапевт трае најмалку 4 години и можат да ја завршат доктори, психолози, педагози, социолози, дефектолози, социјални работници и други хуманистички професии.rnrnПостои индивидуална и групна психотерапија, со различни теориски правци и пристапи. Психотерапијата се користи за лечење голем број ментални нарушувања како што се фобии, анксиозност, панични напади, депресија, алкохолизам, анорексија и слично.rnrnВо некои случаи, психотерапијата е доволна и подеднакво ефикасна како и лековите, но понекогаш е потребно да се вклучи и психијатар. За користење психотерапија не е потребна дијагноза, таа може да биде составен дел од работата на себе и грижата за ментално здравје кај некоја личност.rnrnВо поголемиот дел случаи, сеансата изгледа така што терапевтот и клиентот седат еден спроти друг, а понекогаш клиентот може да биде и легнат. Разговорот е доверлив и собраните информации за клиентот, терапевтот мора да ги чува во согласност со Законот за заштита на личните податоци.rnrnНекои од популарните методи на лечење со помош на психотерапевт се когнитивно-бихевиорална терапија, конструктивна терапија, семејна терапија, психоанализа, уметничка терапија…rnrnНа цената влијае видот на психотерапијата, дали е групна, индивидуална, онлајн, бројот на закажани термини и слично.rn

Психолог

rnПсихологот има завршено студии за психологија и претежно се занимава со здрави луѓе. Со нивната едукација, тие не се стекнуваат со називот психотерапевт, за што се потребни дополнителни студии по нивното дипломирање. Често се ангажирани како поддршка во здравствените установи, училишта, градинки, компании…rnrnПсихологот е квалификуван за изведување различни психолошки тестови и процени, што се од голема важност за разбирање на состојбата на личноста и нејзиното понатамошно лекување. По прегледот кај психијатарот, личноста може да го продолжи лекувањето кај психологот и обратно доколку психологот процени дека е потребна психијатриска помош.rnrnИако имаат различни методи, психолозите и психијатарите често работат заедно и имаат заедничка цел, а тоа е превенција, откривање и лечење на различни психички феномени кои не секогаш мора да бидат патолошки.rn

Советник

rnСоветување, тренер за живот, мотивационен тренер, советник за кариера… Често луѓето кои не се квалификувани да се занимаваат со психотерапија, се одлучуваат за некоја од професиите кои нудат помош, за кои едукацијата обично трае од 1 до 2 години.rnrnБлагодарение на сопственото искуство, социјалниот капитал и конкретните техники за развој, помошта и услугите од советниците можат да бидат вистинскиот избор на поддршка. Тие не се занимаваат со лекување, и исклучително работат со здрави луѓе.rnrnПрочитајте и кои прашања да му ги поставите на вашиот терапевт за да го извлечете најдоброто од терапијата?

August 7, 2019
Поучна приказна: Врабецот на психијатар

Еден ден еден врабец решил да оди на психијатар. Кога пристигнал таму, психијатарот најпрво се зачудил, но потоа брзо се поздравил со него и пријатно го пречекал.rnrnrnrn„Што ве доведе кај мене?“ прашал докторот, обидувајќи се да го сокрие својот изненаден лик.rnrn„Господине доктор, верувам дека само уште вие можете да ми помогнете“, рекол врабецот и слетал на столот за прием на пациенти.rnrn„Па, да видиме. Кажете ми господине врабец, зошто доаѓате кај мене?“rnrnВрабецот ја наведнал својата глава, со едното око го погледнал докторот и му рекол: „Мојата мајка беше врабица од село и јас израснав таму, но подоцна, по нејзината смрт, се преселив во град, сакав повеќе да видам, да научам, а сега сум многу несреќен“.rnrn„Значи, градскиот живот не ви донел ништо добро?“ прашал докторот.rnrn„Животот во град е добар, во основа и не е нешто поразличен отколку животот на село. Тешкотиите кои не можам да ги совладам овде се исти како и таму. Мојата мајка беше многу весела. Таа го сакаше секој нов ден и целиот свој живот. Се грижеше за наше добро, секогаш имавме доволно за јадење, но исто така имаше време да пее со другите врапци, да лета по светот и да нѐ учи нови песни. Јас секогаш мислев дека тоа е нормален начин на живот, затоа што таа нам често ни зборуваше за некој човек кој ѝ рекол: ‘Небесниот Татко нам секогаш ни дава доволно за јадење и ние не треба да се грижиме’. Јас и никогаш не се грижев. Летав онаму каде што сакав, пеев како што сакав, застанував онаму каде што сакав, затоа што знаев дека Небесниот Татко се грижи за мене. Меѓутоа, колку што повеќе запознавав други врапци, толку повеќе сфаќав дека сум поразличен од останатите. Тоа досега не ми беше пречка, затоа што сите ми завидуваа на мојата радост. Јас живеам и можам на сите да им кажам колку е прекрасно да се биде на овој свет. Ви кажувам во доверба, јас сум познат како композитор на многу нови врапчешки песни“.rnrnПотоа малиот врабец со загрижен израз на лицето, продолжил:rnrn„Сега запознав една врабица која многу ми се допаѓа. За мене е важно што мисли таа, а таа мисли како и многу други, дека мора да гледаме на иднината, да штедиме и да собираме црви, да изградиме големо гнездо (по можност со тераса) за сигурна иднина. Тоа ме направи многу несигурен. Таа ми вели дека треба да се прилагодам на другите и дека целиот свет се грижи за иднината, а дека јас не сум сосема нормален што живеам на ваков начин. Затоа и сум овде кај вас господине доктор, затоа што и јас би сакал да станам нормален, но никако не можам да заборавам како досега живеев среќно, без некакви тешкотии и бев среќен, а сега воопшто не сум. Можете ли да ми помогнете?“rnrnОткако поминал подолг момент на молчење, психијатарот рекол:rnrn„Не. Не можам да ви помогнам затоа што ви завидувам“.rnrn„Ми завидувате? Мене?“ прашал изненадено врабецот.rnrn„Да. Во мојата пракса секојдневно разговарам со луѓе кои избрале друг пат, кои мислат исто како и вашата врабица. Повеќето од нив веќе имаат изградено гнездо за својата иднина. Па поради самиот труд и напор, заборавиле на смеењето и пеењето. Заборавиле да гледаат подалеку од работ на нивното гнездо и дека светот е голем и полн со прекрасни работи. Тие се трудат нивното гнездо да биде сѐ поголемо и пораскошно, а им се лутат на своите деца кои се љубопитни и седат на работ од гнездото, обидувајќи се од таму да одлетаат. Морам искрено да ви кажам дека за нас луѓето не е едноставно да веруваме во еден Татко. Ние премногу сакаме удобност и сигурност. Затоа ви завидувам на таа сила да живеете во надворешна несигурност, а во внатрешна радост. Јас може само да ви дадам еден совет: Останете онакви какви што сте, затоа што вашата врабица од вас има многу што да научи“.rnrnДокторот го погледнал врабецот преку работ на своите очила, а тој ја спуштил главата и се обидел да ја сокрие радоста во своите очи, па одеднаш прашал: „Значи јас сум сосема нормален?“rnrn„Најнормален!“ потврдил професорот додека го испраќал до вратата.

March 15, 2017
Ријана е секси психијатарка на Еминем во спотот за „The Monster“

Песната „The Monster“ во моментов е број 1 на листата на Billboard Hot 100 синглови, а е дел од осмиот албум на Еминем, наречен „The Marshall Mathers LP 2“. Сега таа доби и свој мрачен видеозапис. Ријана глуми псијихатарка на Еминем, улога во којашто исто така успева да привлече внимание. Кој би рекол дека кежуал бизнис изгледот може да изгледа толку жешко? rnrnВо спотот има и ретроспектива од најзначајните моменти во кариерата на познатиот рапер, кој се обидува да излезе од сопствената психолошка замка. Насилството, славата и зависноста од наркотици, ги репрезентира внатрешните „чудовишта“ на Слим Шејди, а целта којашто сака да ја постигне е ментално созревање.rnrnrn
rn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.rn

December 17, 2013
Куќа од соништата (Dream House)

Филм за животните трагедии и за игнорирањето на суровата реалност со која мораме да се соочиме за да продолжиме со живототrnrnrnРежија: Џим ШериданrnrnСценарио: Дејвид ЛукаrnrnУлоги: Даниел Крег, Рејчел Вајс, Наоми Ватс, Матрин Кокас, Тејлор Гир, Марк Вилсон, Џонатан ПотсrnrnВреметраење: 92 минутиrnrnЈазик: англискиrnrnПремиера: 30 септември 2011rnrnЖанр: психолошки трилерrnrnНаша оценка: 7/10rnrnВаша оценка: [ratings]rn
rnrn

Одбивањето на суровата реалност и затворањето во свој имагинарен свет е психолошко нарушување кое многупати досега било предизвик за филмаџиите. „Куќа од соништата“ е уште еден потресен филм, во кој на едноставен начин е прикажано што се случува кога нашиот мозок одбива да ја прифати трагедијата и да се соочи со последиците од неа. Тогаш замислуваме дека живееме во свет во кој сè е беспрекорно убаво. Но, наеднаш потсвеста испливува на површина, ни ја открива вистината од која упорно бегаме и нè враќа во кошмарот со кој одново треба да се соочиме. Покрај психијатрите и менталните институции, за да ја пребродиме трагедијата и да продолжиме понатаму, потребни ни се голема храброст и безусловна поддршка од пријателите. rnrnВо филмот се испреплетуваат неколку веќе видени холивудски приказни, кои на почетокот може да ве наведат на погрешен заклучок. Можеби ќе помислите дека се работи за излитен хорор, но ако ги издржите првите сцени и не го исклучите телевизорот, ќе ви биде мило што сте му дале шанса и на ова остварување на Шеридан.rnrn

rn

rn

rnПриказна: Филмот започнува кога главниот лик Питер (Даниел Крег) се враќа од ментална институција во неговата стара напуштена куќа, која е речиси распадната и прекриена со графити. Но, во неговата глава сè е поинаку. За него, душевната болница е фирмата во која работи и од која дава отказ, со цел да му се посвети на семејството. Питер замислува како го напушта бурниот градски живот и се враќа во неговата куќа, во мирното предградие во Англија, каде живее удобен живот од соништата, заедно со неговата сопруга (Рејчел Вејс) и со двете ќерки. Питер не е свесен дека тие се мртви и дека тој бил обвинет за нивното убиство, по што бил прогласен за луд и затворен во душевна болница. По пет години рехабилитација, неговиот психијатар констатира дека е излечен и тој ја напушта болницата.Во имагинарниот свет кој Питер го создал за време на сеансите, одбивајќи да се соочи со трагедијата, тој креирал нов идентитет. Од шифрата W1-1L 8-10-10 под која се лекувал, го сменил името во Вил. Смислил нови имиња и за сопругата и за ќерките. Но, кога се враќа во куќата, на Питер полека почнува да му проработува потсвеста и да се присетува на некои работи. Најпрво не ја препознава неговата сосетка Ен Петерсон (Наоми Ватс) и блиска пријателка на неговото семејство. Таа станува свесна дека Питер сè уште не е излекуван и дека ги замислува мртвите ќерки и сопругата. Клопчето започнува да се одмотува кога на Питер му се причинува дека неговите ќерки гледаат како некој човек ги набљудува. Полицијата одбива да му помогне и тој одлучува да поведе сопствена истрага…Глума: Крег, Вајс и Ватс одлично се носат со улогите, но слободно можеме да кажеме дека сме ги виделе во многу подобро светло. Ова се едни од нивните посиромашни филмски ангажмани, во кои најверојатно повеќе би уживале на почетоците на нивната кариера. После овој филм, се роди нова љубов меѓу Крег и Вејс, која подоцна беше крунисана и со брак.Кога и како да го гледате: Веднаш да ви кажеме дека овој филм не беше баш најдобро прифатен од филмските критичари. Некои го оценија како тотално промашување. Но, од публиката доби малку поинаков одговор, па затоа и ви го препорачуваме.rnrn„Куќа од соништата“ е најдобро да го гледате на крајот од неделата, сами или со вашите кино-сојузници, со кои подоцна би можеле да дебатирате дали познавачите на филмот се во право или сè е до вкусовите и на крајот на краиштата, главниот збор го има публиката. Сместете се удобно во омилената фотелја или на каучот, не заборавајте ги грицките, бидејќи некои сцени се неми и траат малку подолго од вообичаеното, па тишината ќе можете да ја разбиете со крцкавите звуци. 🙂
rnrn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

January 13, 2012
Неизбежна грубост (Necessary Roughness)

ТВ серија за односите во едно семејство, професионалните кариери, менталните проблеми и решенијата…rnrnГлавни улоги: Кели Торн, Марк Блукас, Скот Коен, Хана Маркс, Патрик Џонсон…rnrn Жанр: драмаrnrnПремиера: 29 јуни 2011rnrnЈазик: англискиrnrnКреатори: Елизабет Кругер, Крег ШапироrnrnСезона: 1 (во тек)rnrn Наша оценка: 7rnrnВаша оценка: [ratings]rnrn————————————————————————————————————————————————————————————————————————–rn Голем дел од непријатностите во животот можеме да ги победиме доколку успееме да ја решиме нивната енигма во нашиот ум. Оваа серија обработува една мошне интересна тематика, а тоа е барањето професионална помош за отворање на умот и ослободување од грижите. Психијатарката Дени е многу талентирана и надарена жена, која успева преку специјална техника и психоза да им помогне дури и на најчудните случаи. Напорниот и брз начин на живот наложува неподносливо темпо на функционирање, па токму затоа анализата за пронаоѓањето на коренот на проблемот е првиот чекор за пребродување на проблемите.rn————————————————————————————————————————————————————————————————————————–rnrn rn

rn rnrn Кратка содржина: Дени е психотерапевт од Лонг Ајленд, чиј персонален живот започнува да станува хаос, откако ќе открие дека нејзиниот маж ја изневерува. Сепак, некои работи во животот се случуваат во периодите кога најмалку се очекува, па така и во нејзиниот случај. Иако има проблеми со нејзината палава ќерка и води војна со нејзиниот маж околу разводот, сепак ненадејно и се отвора шанса да работи со познати спортисти, политичари, новинари и слично кои моментално се во центарот на вниманието, а токму таквиот начин на живот ù создава нерешливи проблеми, кои само таа може да им ги реши. Нејзиниот начин на работа брзо ја прославува, а односот со колегите и семејството од епизода во епизода станува сè поинтересен.Кога и како да ја гледате: Серијата е многу пријатна и интересна за гледање, па бидејќи низ нејзината приказна е проткаен и хумор, периодот на гледање е сосема неважен. Можете да ја гледате после работните обврски или пак да изгледате неколку епизоди пред спиење, откако тотално ќе се опуштите. Серијата е одлична за следење со партнерот, но со неа можете да се забавувате и доколку ја гледате сами.rn———————————————————————————————————————————————————————rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.rn

——————————————————————————————–

September 13, 2011