КАФЕ ПАУЗА

Tag: премиер

Моќни цитати на Маргарет Тачер за животот, политиката и успехот

Маргарет Хилда Тачер, лидер на Конзервативната партија во Британија и премиер на Обединетото кралство од 1979 до 1990, останува запаметена по својата одлучност како и успехот и авторитетот во политичкиот свет каде владееле мажите. Самата изјавила дека за да се води земја каква што е Британија, човек треба да има нешто челично во себе. Токму затоа останува позната и како Челичната дама.rnrnrnrn rn

„Ако сакате нешто да биде кажано, прашајте маж. Ако сакате нешто да биде направено, обратете се кај жена.“

rn

„Да бидеш моќен е исто како да бидеш дама. Ако мора да им кажеш на луѓето што си, тогаш не си тоа.“

rn

„Навиката да го правиш она што знаеш дека е правилно и важно, иако е тешко, е вистинскиот пат до гордоста, самопочитта и личното задоволство.“

rn

„Секоја жена која ги разбира проблемите при одржувањето на домот, ќе биде поблиску до разбирање на проблемите при управувањето со една држава.“

rnrnrn rn

„Потребни ми се околу 10 секунди за да формирам мислење за некого и ретко кога го менувам.“

rn

„Не познавам некој кој стигнал до врвот без напорна работа. Тоа е рецептот. Не секогаш ќе ве однесе до самиот врв, но ќе стигнете навистина блиску до него.“

rn

„Можеби петелот кукурига, но кокошката е онаа која ги квачи јајцата.“

rn

„Ја имам таа женска способност да се зафатам со една работа и да продолжам да ја работам дури и тогаш кога сите останати креваат раце и си заминуваат.“

rnrnrn rn

„Стоењето на сред улица е многу опасно. Можеш да настрадаш од двете страни.“

rn

„Ако критичарите ме видат како одам покрај Темза ќе речат дека сум одела пеш бидејќи не знам да пливам.“

rn

„Ако сакаш да си го исечеш сопственото грло, не доаѓај кај мене да бараш фластер.“

rn rnrn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

October 16, 2013
Владимир Путин – современиот Чак Норис

Автор: Петар ТодоровскиrnrnТој може да ве спаси од напад на тигар, да го изгасне и најстрашниот пожар, да ги „растури“ противниците во џудо, па дури и да пронајде артефакти со кои ќе ја расветли историјата. И замислете, тој не е Чак Норис! Зборуваме за поранешниот агент на КГБ, а денес руски претседател Владимир Путин, кој во потрагата по публицитет веќе му го презема угледот на легендарниот акционен херој и спасител. Ако се прашувавте зошто, причината не е тоа што може да ги добие кои било политички избори на кои што ќе се појави, туку неговите јунаштва.rn
rn

Спасување на телевизиска екипа од сибирски тигар

rnВо август 2008 година рускиот претседател го посети природниот резерват Усури, за да провери како се надгледуваат останатите 500 сибирски тигри на Земјата. Додека релаксирано се шеташе низ резерватот заедно со телевизиска екипа, еден од тигрите ги скина синџирите и се стрча кон еден од камерманите. За среќа, Путин во рацете имал пиштол со кој се заспиваат животни, па токму кога можело да дојде до трагедија пукал во тигарот, го успал и спасил човечки живот. Делото го комплетирал со закачување уред за следење на заспаниот тигар.rn

Стрелање на кит со самострел

rnОва не беше обид да се убие уште едно животно од листата на загрозени видови, туку напор да ѝ се помогне на науката. Стрелата не била дизајнирана да го убие китот, туку да се добие примерок од неговата кожа со кој ќе се утврди од каде дошол. Верувале или не, дури четвртиот обид бил успешен. Сепак, претседателот не се срами од тоа, затоа што би сторил сè „за да ѝ помогне на природата“.rn

Џудо вештини

rnПутин не би можел да се споредува со Чак Норис ако е силен само со оружје в раце. Затоа, тој може да се пофали со црн појас, шести дан во џудо, така што и со голи раце може да отстрани многу опасности. Никогаш не пропушта можност своите вештини да ги покаже пред камерите, што испровоцира еден руски стрип уметник да го претстави како суперхерој кој ги растерува демонстрантите.rn

Возење Формула 1 болид

rnКога Русија доби можност да организира Формула 1 трки почнувајќи од 2014, беше потребно спортот повеќе да се испромовира во земјата. Таа задача ја заврши, ни помалку ни повеќе, тогашниот премиер Владимир Путин. За разлика од сите останати политичари кои се возат само во блиндирани автомобили, тој седна во Ф1 болид и во близина на Санкт Петербург, изведе неколку вртења откако претходно возеше со преку 300 км/ч. По настанот изјави: „Како за прв пат, добро беше“.rn

Пилотирање со борбен авион

rnВозењето на тркачки автомобил не е најголемиот возачки предизвик на кој одговорил рускиот претседател. Во 2000 година, само еден месец по воспоставувањето контрола над Грозни, главниот град на Чеченија, Путин реши да отпатува во опустошениот град како што тоа некогаш го правеле кралевите, а таму стигна како копилот на борбен авион Сухој-27.rn

Пилотирање со противпожарен авион

rnПутин успеа да добие голем публицитет во тешките моменти во август 2010 година, додека дивееше голем пожар во близина на Москва. Веројатно ги употреби знаењата од управувањето со борбен авион, па копилотирањето на противпожарниот Бериев Бе-200 не беше проблем за него.rn

Во најдлабокото езеро со подморница

rnСо длабочина од 744 метри, Бајкалското Езеро во Русија е најдлабокото во светот, па не е изненадување тоа што Путин во него нашол предизвик. Во 2009 година се нафати да нурне во езерото како гостин на екипажот на подморница, чија цел беше да го испитува езерското дно. Кога излезе, даде и свое научно толкување на она што го видел: „Водата е чиста, се разбира земено од еколошка гледна точка, но јас би рекол дека е всушност некој вид супа од планктони“.rn

Полугол против сибирскиот студ

rnКако што беше спомнато погоре, Путин е голем вљубеник во природата и секогаш сака да ужива во неа. Тој се релаксира во неверојатно студените недопрени предели на Сибир, и тоа гол од половината нагоре. Повеќе пати „случајно“ е фатен од страна на новинарските екипи, како полугол јава на коњ или лови риба , кои очигледно доста често го посетуваат пустиот и студен регион во Русија.rn

Ракување со поларна мечка

rnВо април 2010 година тој им помогна на експертите да закачат уред за следење на една поларна мечка. Таа беше успиена, па тоа би можел да го направи секој, но „Чак Норис моментот“ се случи на крајот кога се ракуваше со шепата на заспаното животно и рече: „Ќе бидеш добро“.rn

Откривање артефакти во морето

rnТретото нуркање во животот за Владимир Путин беше трета среќа за него и за археолозите кои долги години го испитувале еден археолошкиот локалитет во Црното Море. Рускиот претседател успеа да најде две антички грчки вазни на два метри под водата, кои археолозите сите овие години не ги пронашле. Секако, подоцна некој призна дека сè било наместено.
rnrn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

March 22, 2012
Гафовите на Силвио Берлускони

Силвио Берлускони не е повеќе во италијанската и европската политика, но и покрај неговите 17 години на власт, никој нема да го памети по неговите политички потези, туку по гафовите. Тој нив ги објаснува како хумор и иронија, иако многумина во нив препознаваат непочитување кон жените и конкуренцијата. Еве дел од неговата чудна смисла за хумор, која од него создаде слика за необичен политичар.rnrnrnrnВо февруари, 2002 година за време на групното сликање на самитот на ЕУ кој се одржал во Шпанија, Берлускони кренал два прста зад главата на шпанскиот шеф на дипломатијата, Жозеф Пике.rn
rn

„Најостроумните сигурно можат да најдат и втора работа, можеби некоја неофицијална“ – им рекол Берулскони на отпуштените работници од фабриката на Фиат, поттикнувајќи ги да бараат работа на црно во декември, 2002 година.

rn

„Сите жители се еднакви, но можеби еден од нив е малку поеднаков од другите, со оглед на фактот што 50% од Италијанците му ја доделиле одговорноста да ја води државата“ – рекол тој, мислејќи на себе за време на неговото судење за корупција во Милано, во јуни, 2003 година.

rn

„Господине Шулц, знам дека во Италија има еден човек кој снима филм за нацистичките концентрациони логори. Би сакал да ве препорачам за улогата на капо. Би биле совршени.“ – Ова го изјавил Силвио за време на една дебата на Европскиот парламент во јули, 2003 година, откако претходно се замерил со германскиот пратеник, Мартин Шулц. Капо е затвореник во концентрационен логор кој ги има привилегиите да врши надзор над другите. Овие привилегии му ги давале вистинските стражари на затворот и најчесто тој бил безмилосен кон останатите затвореници.

rnrnrnВо септември 2004 година за британскиот магазин „Spectator“ тој изјавил:rn
rn

„Мусолини никогаш не убил никого. Тој ги праќал луѓето на одмор.“

rnПодоцна се пожалил дека никој не ја разбрал неговата шега.rnrnВо 2005 година, во Парма се одржала конференција за безбедност на храната, којашто било предвидено да се одржи во Финска. Берлускони објаснил како дошло до разубедување на претседателката на Финска, за конференцијата да биде во Италија:rn
rn

„Морав да ја разубедам претседателката на Финска. Кога имате некаква цел, потребно е да ги употребите сите оружја кои ви стојат на располагање, па затоа јас ги искористив моите плејбој-способности, иако одамна ги немав употребено.“

rnВерувале или не, пред изборите во јануари, 2006 година, поранешниот премиер на Италија бил пофален од свештено лице поради неговата заложба во одбраната на семејните вредности, на што тој во свој стил изјавил:rn
rn

„Ви благодарам, оче Масимилијано. Нема да ве изневерам и ви ветувам дека ќе апстинирам од секс во следните два и пол месеци до изборите на 9 април.“

rnrnrnrnНа едно телевизиско ток шоу во февруари, 2006 година тој кажал:rn
rn

„Само Наполеон направил повеќе од мене. Но, дефинитивно јас сум повисок од него.“

rn

„Јас сум Исус Христос во политиката. Јас сум истрајна жртва, се жртвувам за секого“ – вака тој го објаснил неговиот лик и дело во говор пред сопартијците во февруари, 2006 година.

rnПри гостување на едно ТВ шоу каде што се разговарало за иднината на младите во Италија, една студентка, жалејќи се за целокупната ситуација во земјата, го прашала што треба да направи за да просперира во Италија. Тој одговорил:rn
rn

„Пробај кај син му на Берлускони. Со таква насмевка имаш одлични шанси“.

rnВо ноември 2008 година, откако Обама беше изгласан за прв црн претседател во историјата на САД, Берлускони го опишал како згоден, млад и исончан. Наредната година на самитот на Г-20, тој повторно се пошегува на сметка на Обама:rn
rn

„Како се викаше, оној исончан тип… А, Барак Обама! Нема да верувате, но се сонча заедно со жена му, и таа е исончана.“

rnrnrnrnrnПри една посета на Њујоршката берза, италијанскиот премиер се обидел да ги убеди инвеститорите да дојдат во неговата земја употребувајќи еден неконвенционален аргумент:rn
rn

„Италија е одлична земја за инвестирање. Денеска речи си и да нема комунисти, а друга добра причина да дојдете се прекрасните секретарки.“

rn

„Имам малку коса затоа што мојот мозок е голем и ја турка косата надвор“ – неговото објаснување за опаѓањето на косата.

rnВо 2009 година градот Л’Аквила го погоди силен земјотрес, кој остави многу луѓе без дом. На новинарско прашање во врска со условите во кои живеат погодените, Берлускони изјавил:rn
rn

„Се разбира дека овие живеалишта се привремени. Тие треба да се чувствуваат како да се на кампување за викенд.“

rn
rn

Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.

February 3, 2012
Светскиот политички врв некогаш и сега

Гостински пост: Филип Вирановскиrnrnrn„Некогаш и сега“ е секогаш непресушна тема. Се обидовме да ѕирнеме во семејните фотографии на поважните политички, религиозни, диктаторски, кралски личности… кога самите тие биле безгрижни мали деца, незнаејќи каква улога историјата ќе им додели.Барак Обама – првиот афроамерикански претседател на САД. Роден е во Хонолулу, Хаваи. Неговите родители се запознале во 1960 на Универзитетот на Хаваи. Неговиот татко е од Кенија, а студирал во САД. Самиот Барак Обама споменува дека во тинејџерските денови користел алкохол, марихуана и кокаин. Својата сопруга, Мишел Обама, ја запознал за време на студирањето на универзитетот Харвард.Ангела Меркел – првата жена канцелар на Германија. Нејзиниот татко бил лутерански свештеник. Поголемиот дел од детството го поминала во село, северно од Берлин. Во 1982 се развела од сопругот Урлих Меркел, задржувајќи го неговото презиме.Фидел Кастро – комунистички лидер и револуционер. Кастро е роден во Куба, како син на шпански емигрант, кој се доселил на островот поради сиромаштијата во северните делови на Шпанија. Неговиот татко станал просперитетен бизнисмен во шеќерната индустрија на Куба, па така и самиот Кастро е роден на шеќерна плантажа.Папата Бенедикт XVI – Неговото граѓанско име е Јозеф Алоис Рацингер. Роден е во Баварија, Германија. Според законите на нацистичка Германија, Рацингер на 14 годишна возраст се приклучува на Хитлеровата Младина (според неговиот брат, тој не бил премногу заинтересиран за учеството во Хитлеровата Младина). Нешто подоцна, при крајот на Втората Светска Војна, бил регрутиран во пешадијата на нацистичка Германија. Како сојузничките армии се приближувале кон Германија, Рацингер решил да дезертира од армијата.Владимир Путин – премиер на Русија. Роден во Ленинград (денешен Санкт Петерзбург). Неговиот татко бил војник во флотата на Советскиот Сојуз. По дипломирањето, Путин станува член на советската разузнавачка служба КГБ, на почетокот како член на втората единица, која имала контраразузнавачка задача. Набргу потоа бил преместен во првата единица, чија задача била следење на странците и претставниците на конзуларните претставништва во Ленинград.Димитри Медведев – претседател на Русија. Роден во Ленинград во угледно, интелектуално семејство. Според неговата учителка од основно училиште, Вера Смирнова, Димитри бил дете кое секогаш било љуботиптно да дознава и учи. Во седмо одделение ја сретнал неговата сегашна жена Светлана Медведева. Таа романса тогаш му го сменила угледот на љубопитното дете кое обожава да учи.Кристина Фернандез де Кирчнер – претседателка на Аргентина. Вдовица на неодамна починатиот претседател на Аргентина Нестор Кирчнер. Живеејќи одреден период како прва дама на Аргентина, претседателските обврски и биле добро познати, па од 2007 станува прва избрана претседателка на Аргентина. Како прва дама, а потоа и претседателка, го добива приматот на жена која ја познава модата, а поборник е и за човековите права и борбата против сиромаштијата.Кралицата Елизабета II – кралица на Велика Британија. Таа е ќерка на Кралот Џорџ VI (попознат по филмот The King’s Speech, кој излезе неодамна). Нејзиното целосно име е Елизабет Александра Мери (Елизабет по нејзината мајка, Александра по името на мајката на Кралот Џорџ V, Мери по името на нејзината баба). Нејзиното најблиско семејство ја ословува со „Лилибет“.Кралицата Беатрикс од Холандија – Нејзиниот брак со Германецот Клаус фон Амсберг, во 1966 предизвикал големи контроверзи. Клаус фон Амсберг бил Германец кој бил член на Хитлеровата Младина, а потоа работел и во Вермахт. Познати се слоганите кои тогаш го преплавиле Амстердам, како што се „Claus ‘raus!“ (Клаус надвор!) и „Mijn fiets terug“ (Врати ми го велосипедот!) што асоцирало на конфискување на велосипедите на Холанѓаните, што Нацистите го правеле за време на окупацијата на Холандија.Тарја Халонен – првата жена претседател(ка) на Финска. Родена е во работничко семејство во Хелсинки. По Втората Светска Војна нејзините родители се разведуваат, а нејзината мајка се премажува за Туре Форс, работнички активист. Нејзиниот очув и нејзината мајка извршиле позитивно влијание врз градењето на погледите на Халонен. Откако влегува во политиката, таа се залага за социјална правда на работничкиот народ, вредности со кои и самата Халонен е растена.

May 4, 2011
Писател од сенка (The Ghost Writer)

Политички трилер за луѓето зад луѓето. За оние личности кои можеби не се во кадарот, но чии активности се чувствуваат…rnrn Режија: Роман Полански rnrnСценарио: Роберт Харис, Роман Полански rnrnУлоги: Јуан Мекрегор, Пирс Броснан, Ким Катрал, Оливија Вилијамс rnrnВреметраење: 128 минути rnrnЈазик: англиски rnrnПремиера: 19 март 2010 rnrnЖанр: драма, трилер rnrnОфицијален веб-сајт rnrnНаша оценка: 6/10 rnrn____________________________________________________________________________________________rnКолку е само лесно да влезеш во замка и да го пуштиш овој филм. На хартија изгледа феноменално – режиран е од Роман Полански кој ги има потпишано „Пијанист” и „Розмариното бебе”, а „Писател од сенка” буквално триумфира и на Европските филмски награди. Но, зад целата таа помпа стои филм кој најблаго кажано е само коректен. Нешто што тргнало со идејата за брз политички трилер, завршило како „мрзлива” приказна на која секој следен чекор може буквално да се намириса. Но и режијата, и глумата, и… се толку во средина што како да се направени без многу труд, без многу мерак, туку колку, ете, за да помине редот. Писател од сенка е како најпросечното дете во класот, доволно добро за да не го фати радарот и да ја помине годината, но не толку и за да биде запаметено.rn____________________________________________________________________________________________ rn

rnПриказна: Писателот (Јуан Мегрегор) е ангажиран да интервенира во веќе започнатите мемоари на поранешниот британски премиер Адам Ланг (Пирс Броснан). Неговиот претходник починал на мистериозен начин, а само што почнува со работа, и Ланг се соочува со сериозни политички обвинувања. Приказните за моќниците, за задкулисните игри, за тоа кој ги влече конците секогаш се интересни за гледачите. Едноставна човечка психологија – сакаме да знаеме кој е и каков е тој што одлучува за нас. Базата е поставена, но градењето на целото дејство е невешто, филмско „дежа ву”. Решенијата од типот дека главниот лик нема да има име во смисла дека е „дух”, сенка на човекот на кого му ги пишува мемоарите, изгледа просто. Финишот пак на филмот, сцената која треба да нè стресе од корен и да ни расветли сè, повеќе или помалку се насетува уште од многу порано. Нема ништо лошо во тоа да направиш филм кој нема цел да ги преоптоварува гледачите, но не и кога нудиш разврски кои ни ја „навредуваат” интелигенцијата. Но, во името на јин и јанг-филозофијата – во морето од црно мора да има по една точка бело, би кажала дека изведбата на најмалку познатата актерка во екипата, Оливија Вилијамс („Шесто сетило”), е вистинско освежување. Таа ја игра жената на поранешниот премиер и, искрено, убедливо портретира лик кој не е само жена зад успешен маж, туку многу многу повеќе од тоа.Кинематографија: Го кажав еднаш и еве го пак – и во овој аспект Писател од сенка е коректен. Дејството се одвива на остров во Америка, претпоставувам во есенски, т.е. зимски денови, па и атмосферата е темна. Солидно е одработено, но таа тежина можела да се искористи во насока на надополнување на драматичноста, што во овој случај не се прави во потполност. Сепак, како најинтересна би можела да се посочи последната сцена каде што се покажува сè, а не се гледа ништо. Ни се сервира онолку колку што треба да видиме за да ни стане јасно, а немаме пред очи некоја трагична, потресна сцена…, дури сè изгледа и помалку поетично.Кога и како да го гледате? Пожелно е само да не сте уморни затоа што постои опасност за многу кратко време да заспиете и толку од „даунлодираниот” филм, од купената карта… Мислам дека постои еден профил на филмови кои по извесен период се откупуваат од македонските телевизии и стануваат еден од најискористените пополнувачи на дупки во програмата. Е, токму таков е и Писател од сенка – може да ви го пополни времето, но не е нешто по кое треба да трагате и да вложувате екстра-труд за да го гледате.

December 17, 2010
Познати и успешни Македонци низ светот #1

Премиер, успешен бизнисмен и професионален хокеист… во овие светски познати имиња се крие македонско потекло.rnrn

Ѓорги Маленков – поранешен водач и премиер на Советскиот Сојуз

rnrnrnrnВерувале или не, Македонец го предводел Советскиот Сојуз по смртта на Јозеф Сталин, во периодот од март до септември, 1953 година, а истиот човек потоа станал премиер и оваа функција ја извршувал до март 1955 година. Неговото име е Ѓорги Маленков. Роден е во Оренбург, Русија, а неговите родители биле чисти Македонци. Починал на 14 јануари 1988 година, на 86-годишна возраст од природна смрт.rnrn

Мајк Илич – милијардер и успешен бизнисмен во САД

rnrnrnrnМожеби едно од најактуелните и најпознати имиња на оваа листа, токму поради фактот што пред неколку дена го купи НБА тимот Detroit Pistons. Мајк Илич, роден како Мајкл Илиевски во 1929 година, се наоѓа на 655-то место на листата на најбогати луѓе во светот според Форбс. Тој е сопственик и на бејзбол тимот Detroit Tigers и на хокеј клубот Detroit Red Wings, но главниот извор на неговата финансиска моќ доаѓа од синџирот на пица ресторани Little Caesars Pizza. Овој синџир е четврти по големина во САД, со 2000 ресторани низ државата.rnrn

Ед Јовановски – професионален хокеј играч во Канада

rnrnrnrnЕд Јовановски е роден во Виндзор, Онтарио, Канада. Неговите родители се доселеници од Македонија, а пред да се преселат, неговиот татко Костадин, бил професионален фудбалер во Југославија. Кариерата ја започнал во Florida Panthers каде што бил драфтуван како прв пик во 1994 година. Моментално настапува за Phoenix Coyotes, а заедно со канадската репрезентација имаат освоено златен медал на зимските олимписки игри во Солт Лејк Сити во 2002 година и 2 сребрени медали во 2005 и 2008 година на светските првенства во Австрија и на домашен терен.rnrnПрочитајте и за други познати Македонци низ светот.rnrn
rn

rnrnБидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.rn

October 12, 2010