Знаете ли кои се највисоките работи во светот? Највисоката зграда, највисокиот водопад, највисокиот мост…?rnrnНајвисоката зграда во светот е Бурџ Калифа, во центарот на Дубаи. Нејзините 160 ката се исполнети со канцеларии, 900 приватни резиденции, хотел Армани, фитнес-комплекс на 4 ката и палуба за набљудување на 124-от кат.
Највисоката црква во светот е „Ulm Münster“ во Улм, Германија. Со висина од речиси 162 метра, оваа црква го имала епитетот највисока зграда во периодот од 1890 до 1901 година. За време на Втората светска војна, при едно бомбардирање, голем дел од црквата бил уништен. Денес црквата нуди прекрасна панорама за најхрабрите кои ќе ги искачат сите 768 скали.
Највисоката пирамида во светот е Кеопсовата пирамида во Гиза, Египет. Таа е едно од оригиналите седум светски чуда. Не е познато кога точно е изградена, но според одредени проценки тоа би требало да биде околу 2.600 година п.н.е. Кеопсовата пирамида во минатото била повисока, но временските услови ја намалиле нејзината висина и денес таа е висока колку една зграда со 45 ката.
Највисоките водопади во светот се Ангелските водопади во Венецуела. Ангелските водопади се 19 пати повисоки од Нијагарините водопади и заради нивната висина водата паѓа во вид на вител од магла. Овие водопади не беа познати сè додека американскиот авијатичар Џими Ангел не ги прелетал во 1933 година, барајќи злато, па така овие водопади го добиле своето име.
Највисоката статуа во светот е Пролетниот храм на Буда во Хенан, Кина. Храмот и статуата на Буда која се наоѓа над храмот заедно се високи нешто повеќе од 153 метри. Завршена во 2002 година, оваа статуа била изградена како одговор на нападот на Талибанците во 2001 година.
Највисокиот мост во светот е вијадуктот Мијо во јужна Франција. Овој коловозен мост е повисок и од Ајфеловата кула во Париз. Единствена конкуренција на вијадуктот Мијо е автопатот „Durango-Mazatlan“ во Мексико, кој се очекува да биде завршен оваа година и да конкурира за највисок мост.
Највисокиот гејзир во светот е гејзирот во Националниот парк во Јелоустоун. Овој сè уште активен гејзир може да не еруптира со децении. Неговата последна ерупција беше во 2005 година, кога водата и пареата достигнаа височина од 122 метра.
Најголемото панорамско тркало во светот е во Сингапур. Потребни се 32 минути за ова панорамско тркало да направи еден круг. Заради неговата големина, познато е уште и како „тркало за набљудување“. Панорамското тркало во Сингапур не се издвојува само по неговата големина, туку и по кабините кои се статични, за разлика од другите панорамски тркала чии кабини се нишаат.
Највисоката фонтана во светот е фонтаната на Кралот Фад во пристанишниот град Џеда, во Саудиска Арабија, која водата ја повлекува од Црвеното Море. Муслиманите со години доаѓале во овој град, а таквата посета била на исто ниво и со иста важност како и посетата на Мека.
Највисоката планина во светот е Монт Еверест. Во Тибет ја нарекуваат „Chomolungma“, што значи „мајка божица на универзумот“. Во Непал ја нарекуваат „Sagarmatha“, или божица на небото. За остатокот од светот беше позната како Врвот 15, сè додека Сер Џорџ Еверест, британски геодет, не ја измерил точната висина и планината го добила неговото име. Но, висината на Монт Еверест постојано се менува затоа што тектонските плочи постојано се поместуваат и така планината секоја година е повисока за 4 милиметри.
Највисоката бетонска брана во светот е браната „Grande Dixence“ во Швајцарија. Висока 285 метри, со помош на оваа брана се генерира доволно хидроелектрична енергија за осветлување на 400.000 домови. За да се помине целата брана, потребни се 2 часа возење низ јужните Алпи.
rnrn
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
Во далечната 1916 година, сопствениците на овој имот копале со надеж дека ќе најдат вода за да создадат богато обработливо земјиште во овој пустински дел на САД. Тие нашле вода и бунарот функционирал одлично неколку декади, но дупчалката со која го правеле бунарот, погодила геотермален џеб полн со вода од кој се создал гејзир. Сепак, гејзирот кој го гледате на сликите не е истиот тој гејзир. Во 60-тите години на минатиот век, водата пронашла уште едно слабо место во земјата и самата избила, создавајќи нов природен гејзир веднаш до него. Оттогаш стариот воопшто не исфрла вода. Се верува дека новиот гејзир му ја превзема водата.
Од 60-тите до денеска, гејзирот значително е развиен и сега изгледа како огромна шарена скулптура. Водата од гејзирот постојано прска кон небото, а млазот достигнува висина и до два метра, притоа надополнувајќи повеќе од 30 околни езерца со нова свежа топла вода. Миксот од многу различни минерали во водата, меѓу кои и сулфур, реагираат со кислородот во воздухот, давајќи му ги на гејзирот овие величествени бои.
Околу неговите езерца со жешка вода има растителен свет, кој му дава уште потаинствен, вонземски изглед на местото. Тие се и порибени, а малите риби ги привлекуваат лебедите и дивите патки, создавајќи еден посебен екосистем.rn
Фамозниот насип претставува нешто навистина невообичаено и прекрасно, особено поради големиот број бои. Уште еден фактор за колоритноста на насипот е фактот што целиот е прекриен со термофилични алги, кои како микроорганизми кои толерираат топлина, без проблем растат во оваа жешка околина. Сепак, иако неколку организации се имаат обидено да го откупат земјиштето за да го отворат за јавноста, сопствениците решително одбиваат. Па така, земјиштето и понатаму останува приватно и оградено.
rnrnrn