Претходно
Се прашувате како функционира љубовта? Овие книги го содржат одговорот!
Луѓето често велат дека секоја слика, секоја песна, секој роман или секоја песна е на некој начин за љубовта. Љубовта е централна тема во уметноста и во нашите животи. Во продолжение прочитајте кои се најдобрите книги кои можат да ви помогнат да ја сфатите психологијата на љубовта и да разберете како функционира и што таа претставува за човекот.
Зошто сакаме – Хелен Фишер
Критичарите ја нарекуваат оваа книга „револуционерно истражување на нашата најсложена и мистериозна емоција“. Оваа книга всушност ги претставува резултатите од студијата во која Хелен Фишер ги скенирала мозоците на луѓето кои тукушто се заљубиле и таа докажала дека одредени области на нашиот мозок се активираат кога го доживуваме ова чувство. Таа објаснува што доживуваме кога се заљубуваме, зошто избираме одредена личност и како романтичната љубов влијае на сексуалниот нагон и на чувствата на приврзаност кон партнерот.
Новата психологија на љубовта – Роберт Ј. Стернберг, Карин Стернберг
Во оваа прекрасна книга, авторите ги анализираат мислењата од десетина стручни соработници за да го решат прашањето за дефинирање на љубовта. Тука ќе најдете многу научно-докажани факти за љубовта.
Општа теорија на љубовта – Томас Луис, Фари Амини, Ричард Ланон
Оваа книга се базира на најновите научни истражувања во однос на тоа како функционираат врските, како навистина функционира психотерапијата, како родителите влијаат врз развојот на децата и ни нуди нова перспектива за човечката интимност.
Како да ја добиете љубовта што ја посакувате – Харвил Хендрикс
Оваа книга за прв пат била објавена во 1988 година и им помогнала на милиони парови. Авторот, Харвил Хендрикс, ја создал Imago Relationship Therapy, која се заснова на различни дисциплини како што се гешталт терапија и когнитивна терапија.
Седум правила за успешен брак – Џон Готман, Нан Силвер
Многу луѓе би можеле да кажат дека д-р Џон Готман направи револуција во проучувањето на бракот затоа што ги проучувал навиките на брачните парови со невидени детали во текот на многу години. Оваа книга е всушност кулминација на неговиот животен труд и содржи 7 правила кои можат да доведат до хармоничен и здрав однос.
Држи ме цврсто: Седум разговори за живот полн со љубов – Сју Џонсон
Во оваа книга, д-р Сју Џонсон за прв пат ја претставува емоционално фокусираната терапија на пошироката јавност, техника опишана од страна на магазинот „Њујорк Тајмс“ како најуспешна терапија за парови. Оваа книга е лесна за читање и е разбирлива и за стручните лица и за луѓето кои се заинтересирани да ја подобрат својата врска.
Откако прочитавте кои книги можат да ви помогнат подобро да ја сфатите љубовта, можеби ќе сакате да откриете и кои безвременски љубовни романи вреди да ги прочитате барем еднаш во животот.
Извор: allwomenstalk.com
