Претходно
Летен овошен десерт со кафе кој ќе ве освежи и расони дури и во најтоплите денови
Вкусно освежување и расонување за време на топлите летни денови
Потребни состојки:
- 115 грама пишкоти
- 200 милилитри свежо подготвено кафе
- 5 лажици амарето ликер
- 200 грама темно чоколадо
- 225 грама маскарпоне
- 300 милилитри слатка павлака
- 3 лажици шеќер во прав
- 4 јајца
- Цреши
Начин на подготовка:
Подгответе го кафето и почекајте да се олади, а потоа измешајте го со ликерот. Искршете ги пишкотите на парчиња и наместете ги во мал сад, па сипете го кафето врз нив. Матете ја жолчката со шеќерот во прав сè додека смесата не стане густа. Додајте ги маскарпонето со слатката павлака, а потоа и претходно изматените белки. Следен чекор е да ги искршите коцките чоколадо и да ги растопите на пареа.
Подгответе ги чашите за овој десерт и на нивното дно турете малку од смесата. Наредете еден ред пишкоти, а врз нив сипете го растопеното чоколадо. Декорирајте со цреши. Оставете ги чашите 1 час во фрижидер, а потоа послужете.
