Претходно
ТВ серија: Нејви: Њу Орлеанс (NCIS: New Orleans)
Датум: 20 ное 2014
Коментари: 0
Тим од агенти во Кресент Сити истражува убиства поврзани со морнарицата
Главни улоги: Скот Бекјула, Лукас Блек, Зои Меклилан
Жанр: криминал, драма
Креатор: Гери Гласберг
Премиера: 23 септември 2014
Број на сезони: 1
Времетраење: 42 минути
Јазик: англиски
Наша оценка: 9/10
Ваша оценка: 
(6 гласа, просек: 9,50 од 10)
Loading...
Ако сте љубител на ТВ сериите „NCIS“ и „NCIS Los Angeles“, тогаш со сигурност ќе ви се допадне и оваа верзија која е базирана во Кресент Сити. Исто како и во другите две ТВ серии, така и во оваа тимот се состои од ликови кои едноставно не можете да не ги засакате. Изборот на актерите е одличен, а приказната го следи добро познатиот ритам на Нејви.
Клучот за успехот на овие ТВ серии се крие во фактот што тимовите се многу повеќе од само соработници – тие се една голема фамилија. Тоа веднаш ќе го забележите и во оваа ТВ серија и токму затоа веруваме дека и таа ќе биде исто толку успешна како и претходните две. Двејн Прајд (Скот Бекјула) води нов тим на агенти и начинот на кој тој се однесува со своите луѓе ќе ве потсети на добро познатите Гибс (Марк Хармон) и Хети (Линда Хант). Но, за работите да бидат малку поинтересни, тој користи малку постари методи на истражување.
Во првата епизода може да се забележи дека на некој начин Двејн живее во својата канцеларија и можеби затоа им служи појадок на своите соработници, па дури и ги забавува. Тие веднаш добиваат нов член на тимот, агентката Броуди (Зои Меклилан), која брзо ќе почне да сфаќа дека станува дел од блиска фамилија и со цел да биде подобро прифатена ги учи нивните добри и лоши страни. Но, тоа не е единствената промена со која таа се соочува. Животот во Њу Орлеанс е многу поразличен од она на што таа е навикната, па како што таа ќе се прилагодува, така и вие покрај неа ќе се прилагодувате на овој град.
Претходно веќе имавме можност да видиме дел од тимот на „Нејви: Њу Орлеанс“ во 2 епизоди од 11-тата сезона на „Нејви“. Приказната за нив која ни е претставена таму е доволна за да почнете да ја гледате и оваа ТВ серија. Ако сте расположени за нов начин на истражување убиства поврзани со морнарицата, тогаш дефинитивно треба да ѝ дадете шанса и на оваа ТВ серија.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
