Претходно
Филмски маратон со Бред Пит
Од првото појавување на филмското платно па сè до денес, Бред Пит важи за еден од најпривлечните и најпосакувани мажи во светот. Неговиот приватен живот постојано добива големо медиумско внимание, па луѓето некако забораваат дека тој првенствено е актер кој зад себе има голем број извонредни филмови.
Холивудските критичари често му забележуваат дека прави погрешни избори на улоги, односно дека игра ликови кои се тешки за глумење, а истовремено и не се премногу атрактивни за широката публика. Иако ова на прв поглед не звучи убаво, може да претставува гаранција дека следниве неколку филмови се навистина добри и го заслужуваат вашето внимание.
Седум (Se7en)
Година: 1995
Актери: Бред Пит, Морган Фримен, Кевин Спејси
Жанр: трилер, мистерија
Наша оценка: 9
Кратка приказна: Морган Фримен и Бред Пит глумат детективи кои се во потрага по свиреп убиец којшто преку убиствата го покажува својот револт кон владеењето на седумте смртни гревови во светот.
Дрвото на животот (The Tree of Life)
Година: 2011
Актери: Бред Пит, Шон Пен, Џесика Честејн
Жанр: драма
Наша оценка: 9
Кратка приказна: Филмот ја следи приказната на едно момче од Тексас и неговиот живот од детството во педесеттите години на минатиот век и конфликтите со авторитетниот татко, па сè до зрелоста кога бара одговори поради некои разочарувања.
Манибол (Moneyball)
Година: 2011
Актери: Бред Пит, Џона Хил, Робин Рајт
Жанр: спортска драма
Наша оценка: 10
Кратка приказна: Ова е филмот кој на Бред Пит му донесе и номинација за „Оскар“ и едно од неговите најдобри остварувања. Тој го глуми менаџeрот на бејзбол тимот Оукленд Атлетикс, кој откако ќе ги изгуби главните ѕвезди ќе мора да најде начин како со ограничен буџет да стигне до нов успех. До него ќе се обиде да стигне на многу неконвенционален начин, а во тоа ќе му помогне интелигентниот Питер Бренд (Џона Хил).
Боречки клуб (Fight Club)
Година: 1999
Актери: Бред Пит, Едвард Нортон, Елена Бонам Картер
Жанр: драма, мистерија
Наша оценка: 10
Кратка приказна: Едвард Нортон глуми несоничар кој барајќи решение на својот проблем ќе налета на харизматичниот Тајлер Дарден (Бред Пит). Тајлер е сето она што ликот на Нортон посакува да биде, па бргу ќе се спријатели со него и ќе основаат илегален боречки клуб. Кога работите ќе почнат да излегуваат од контрола, ликот на Нортон ќе почне да се осознава себеси.
Мексиканец (The Mexican)
Година: 2001
Актери: Бред Пит, Џулија Робертс, Џејмс Гандолфини
Жанр: акција
Наша оценка: 9
Кратка приказна: Џери Велбек заработува извршувајќи одредени работи за некои криминалци. Откако ќе ѝ вети на неговата сопруга дека престанува со ова занимање, ќе добие задача да го врати пиштолот наречен Мексиканец од Мексико во САД. Следува интересна акција во која ќе се обиде да ја заврши последната задача и да ја зачува сопругата.
Бабел (Babel)
Година: 2006
Актери: Бред Пит, Кејт Бланшет, Гаел Гарсија Бернал
Жанр: драма
Наша оценка: 9
Кратка приказна: Ова се смета за еден од најдобрите актерски перформанси на Бред Пит досега. Бабел е замрсена приказна која поврзува четири различни семејства на различни локации во светот, но главно се движи околу трагедијата на една брачна двојка во пустината во Мароко.
Троја (Troy)
Година: 2004
Актери: Бред Пит, Ерик Бана, Орландо Блум
Жанр: акција, авантура
Наша оценка: 8
Кратка приказна: Троја е екранизација на Хомеровиот еп Илијада, којшто ја следи војната меѓу Грците и Тројанците чиј повод е грабнувањето на убавата Елена од Троја. Филмот се памети и по борбата помеѓу Ахил и Хектор, една од највпечатливите филмски борби во поново време.
Неславни копилиња (Inglourious Basterds)
Година: 2009
Актери: Бред Пит, Кристоф Волц, Мелани Лоран
Жанр: воена драма
Наша оценка: 10
Кратка приказна: Извонреден филм режиран од Квентин Тарантино во кој Бред го игра американскиот поручник Алдо Рејн, евреин-водач на тајна единица американски војници чија цел е да го убијат нацистичкиот лидер Адолф Хитлер, и тоа во текот на војната. Главен противник во нивната мисија ќе биде офицерот Ханс Ланда, маестрално одигран од Кристоф Волц.
Седум години на Тибет (Seven Years in Tibet)
Година: 1997
Актери: Бред Пит, Дејвид Тулис
Жанр: авантура, биографија
Наша оценка: 7
Кратка приказна: Вистинска приказна за Австриецот Хајнрих Харер и неговото пријателство со Далај Лама на Тибет, и тоа токму во времето кога Кина ја окупира малата држава.
Легенди на есента (Legends of the Fall)
Година: 1994
Актери: Бред Пит, Ентони Хопкинс, Ејдан Квин, Џулија Ормонд
Жанр: драма, романса
Наша оценка: 7
Кратка приказна: Топла интересна приказна за тројца браќа и нивниот татко, сместена на една фарма на почетокот на дваесеттиот век. Филмот го следи нивниот животен пат на кој влијаат војните, љубовта и една прекрасна жена.
Единасетмината на Оушн (Ocean’s Eleven)
Година: 2001
Актери: Џорџ Клуни, Џулија Робертс, Бред Пит, Мет Дејмон
Жанр: трилер
Наша оценка: 8
Кратка приказна: Единаестмината на Оушн е првиот дел од трилогијата во која Дени Оушн (Џорџ Клуни) е водач на група која ги ограбува најдобро обезбедуваните казина во Лас Вегас. Ако го изгледате првиот дел, ќе сакате да ги гледате и останатите.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
