Претходно
Филм: Пиксели (Pixels)
Вонземјани ја напаѓаат Земјата со карактери од ретро видео игри
Режија: Крис Колумбус
Улоги: Адам Сендлер, Кевин Џејмс, Мишел Монахан
Времетраење: 106 минути
Јазик: англиски
Премиера: 24 јули 2015
Жанр: акција, комедија, научна фантастика
Наша оценка: 7/10
Ваша оценка: 
(7 гласа, просек: 7,29 од 10)
Loading...
Станува збор за смешна и лесна комедија која е одлична за одморање на вашиот мозок. Овој филм е типичен за стилот на Адам Сендлер, со малку поголема креативност во приказната од вообичаено. Настаните започнуваат во минатото, кога Бренер (Адам Сендлер) е момче кое има исклучителна дарба за видео игри. Тој дури и ќе учествува на првиот меѓународен натпревар, каде што ќе се натпреварува во видео игри како Пекмен и Донки конг.
Овој натпревар ќе биде сниман од страна на НАСА, кој потоа заедно со други снимки и поздрави од познати ликови ширум светот ќе биде испратен преку сонда во длабоката вселена. Иако намерата на овие пораки е добронамерна, една раса вонземјани ќе ја сфати како закана и токму затоа ќе се подготват да возвратат со иста мера – преку познатите карактери од видео игрите. Но, во денешно време кој го помни нивното постоење?
Бренер ќе биде единствениот кој ќе ја препознае шемата на движење на нападите и ќе го предупреди претседателот, кој истовремено е и негов најдобар пријател, со цел да се обиде да го спаси човештвото. Токму во тој момент ќе настане тим од шампиони во ретро видео игри кои ќе им се спротивстават на вонземјаните и ќе им покажат дека нема подобри гејмери од луѓето. Барем не во овие видео игри…
