Претходно
Роденденски подарок за вашиот партнер Стрелец
Автор: Зорица Тодорова
Мажите родени во овој хороскопски знак се полни со живот и енергија, отворени и пред сѐ, веруваат во гледање од посветлата страна на работите. Одбирањето на вистинскиот подарок за вашиот партнер ќе биде едно интересно и исплатливо искуство, а еве ги нашите идеи.
Забава, забава, забава
Стрелецот е хороскопски знак кој обожава забава, затоа вашиот партнер ќе цени каков било подарок со доза хумор. Може да најдете маица со интересна апликација или досетлива порака; специјално издание на дивиди од класична комедија како Чаплин, а доколку и двајцата сакате да се дотерувате и излегувате, одведете го на стенд-ап или хумористична претстава во театар. Каква било книга која го потенцира позитивниот поглед на светот и животот исто така би бил одличен подарок.
Авантуристички спортови
Што било што ќе му го зголеми адреналинот на вашиот партнер е добредојдено. Стрелците обожаваат физички напорни активности бидејќи ги прошируваат границите на она што е лесно и човечки возможно. Одете на јавање или параглајдерство, а ако таквите активности ги нема во вашето место на живеење, одведете го на спортски настан на кој игра неговиот омилен домашен тим. Може да организирате дури и планинска прошетка или кампување, сите Стрелци се љубители на природата. Сепак, бидејќи роденденот на вашиот партнер се паѓа во зимските денови, ски-патување би било најдобриот избор.
Игри на среќа
За разлика од жените Стрелци, машкиот дел од популацијата повеќе може да се контролира и да се води од здравиот разум кога станува збор за игрите на среќа. Вашиот партнер ќе биде воодушевен да помине возбудлива вечер во казино! Ако можеби не сакате да поттикнувате вакви потенцијално опасни навики, едноставно одлучете се за конзола со видео игри која исто така ќе ја задоволи неговата желба за преземање ризици.
Патување
Ако не располагате со доволно финансии за авионски билети и хотелски резервации, сѐ уште можете да ја задоволите љубовта за патувања на вашиот партнер со некој поскромен подарок. Може да му купите квалитетен куфер или ранец, да му подарите годишна претплата на неговото омилено списание или книга со егзотични локации и места кои треба да се видат која ќе му помогне да го испланира своето следно патување. Во тоа исто така ќе му помогне и комбинација од лаптоп, дигитален апарат и појас за пари.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
