Претходно
Пронајдете го внатрешниот мир според вашиот хороскопски знак
Датум: 03 мар 2016
Коментари: 0
Илјадници години човекот барал знаци и знаење во ѕвездите. Астрологијата настанала 2000 години пред новата ера и внимателно била проучувана од древните Индијанци, Маи, Грци, Кинези и Арапи. И не само тоа, таа била користена како начин за проучување на човечките особини и мотивации, како што покажуваат истражувањата на Карл Јунг.
Со помош на набљудување и анализа се открило дека постои корелација помеѓу движењето на небесните тела и животот на Земјата. Но, и покрај тоа многу луѓе имаат различни ставови за астрологијата. Додека некои се скептични и сметаат дека тоа не е наука, други се колнат во астрологијата, наведувајќи силни аргументи во нејзин прилог.
Според астрологијата, задоволството и духовниот мир можат да се пронајдат врз основа на вашите особини. Во продолжение ќе ги пронајдете дванаесетте различни астролошки особини и препораки кои ќе ви помогнат да најдете внатрешен мир.
Овен
Вие сте страствени, динамични и самоуверени, имате бурен живот и често сте импулсивни.
Како да пронајдете рамнотежа:
- Одржувајте рамнотежа – во распоредот најдете време за релаксација.
- На работа обидете се да бидете продуктивни.
- Канализирајте ја вашата енергија на вежбање или трчање.
- Најдете рамнотежа и со релаксирачки активности како готвење, читање или градинарство.
Бик
Вие сте сигурна, топла и одлучна личност, меѓутоа некогаш можете да бидете тврдоглави и посесивни.
Како да пронајдете рамнотежа:
- Не отфрлајте ги туѓите гледишта.
- Кога чувствувате дека сте заглавени, најдете мир во природата.
- Бидете свесни како вашите постапки влијаат на другите.
- Обидете се со медитација да ги насочите вашите мисли.
- Истражете го светот на мирисите и лечете се со ароматерапија.
Близнаци
Вие сте интелигентна, сестрана и темпераментна личност, но од друга страна можете да бидете и нервозни и недоследни.
Како да пронајдете рамнотежа:
- Не работете премногу.
- Хранете се балансирано и не прескокнувајте оброци.
- Научете да ги опуштите нервите, со растителни масла и топла бања.
- Одморете го мозокот.
- Научете ги техниките на дишење и секојдневно практикувајте ги.
Рак
Вие сте грижлива, интуитивна и заштитничка душа, но често се борите со промена на расположението, осетливост и неможност да се опуштите.
Како да пронајдете рамнотежа:
- Не заборавајте да се грижите за вашите сопствени потреби, тоа не е себичност, туку е важно за вашата благосостојба.
- Практикувајте медитација, јога и таи чи.
- Живејте според вашиот ритам.
- Научете да поставувате граници.
- Отфрлете сѐ што не ви е потребно.
Лав
Вие сте храбра, креативна и посветена личност, но сакате да давате заповеди и немате голема толеранција. Секогаш сакате да сте во право.
Како да пронајдете рамнотежа:
- Развивајте ја способноста да слушате, така што ќе им допуштите на другите да дојдат до израз.
- Секој ден одвојувајте време за себе и правете нешто што сакате.
- Избегнувајте зачинета и мрсна храна која ви ја одзема енергијата и ви ја поместува рамнотежата во организмот.
- Пијте многу вода.
Девица
Вие сте аналитична, практична и работлива личност, но некогаш знаете да претерате со перфекционизмот, а знаете да бидете и претерано критични и немирни.
Како да пронајдете рамнотежа:
- Откажете се од рутината и бидете спонтани.
- Опростете – и на себеси и на другите.
- Излезете од вашиот мозок и влезете во своето тело.
- Заменете ја негативноста со прифаќање.
- Направете распоред за спиење и одморете го вашиот мозок.
Вага
Вие сте романтична и идеалистичка личност, но понекогаш знаете да бидете наивни, претерано попустливи и неодлучни.
Како да пронајдете рамнотежа:
- Направете список на задачи кои треба да ги завршите – тоа ќе ви помогне да останете организирани и да избегнете стрес.
- При носење важни одлуки, наведете ги сите причини „за“ и „против“.
- Покажете ги вашите чувства преку песна, сликање или јога.
- Допуштете си уживање, но бидете умерени.
Скорпија
Вие сте страствена, интуитивна и привлечна личност, но исто така знаете да бидете љубоморни и опсесивни.
Како да пронајдете рамнотежа:
- Практикувајте смирувачки техники кога сте под стрес, како на пример длабоко дишење, визуелизација и слично.
- Обидете се со хидротерапија како начин за смирување на духот и телото.
- Простете им на другите за да избегнете бескрајни расправии.
- Секогаш гледајте ја поголемата слика и немојте да се губите во деталите.
Стрелец
Вие сте искрени и добронамерни. Имате смисла за филозофија и хумор, но исто така често сте оптимистични без причина, знаете да бидете неодговорни и немирни.
Како да пронајдете рамнотежа:
- Користете го спорт за насочување на енергијата.
- Научете како да најдете рамнотежа меѓу оптимизмот и реалноста.
- Преиспитајте го вашиот живот.
- Научете свесно да ги контролирате чувствата.
- Најдете радост во малите нешта.
Јарец
Вие сте духовита, практична и дисциплинирана личност, но понекогаш тоа се граничи со фатализам и песимизам.
Како да пронајдете рамнотежа:
- Откажете се од лошите врски и опкружете се само со позитивни луѓе.
- Мислете на своите вредности и соништа секогаш кога носите одлуки.
- Како вашиот внатрешен дијалог влијае на вас? Ако е негативен, работете на вашата самодоверба.
- Опуштете го телото и умот низ практични вежби.
- Запомнете дека среќата е избор.
Водолија
Вие сте инвентивни, имате слободен дух и секогаш сте пријателски расположени, но исто така може да бидете непредвидливи и емоционално нестабилни.
Како да пронајдете рамнотежа:
- Бидете автентични.
- Направете распоред на вашите активности, така што ќе најдете време за себе.
- Ценете ја ранливоста и фактот дека тоа ве прави посилни.
- Бидете свесни за сегашноста.
Риби
Вие сте осетлива, сочувствителна и имагинативна личност, но исто така можете да бидете таинствени и несигурни.
Како да пронајдете рамнотежа:
- Ослободете се од сѐ што ви создава стрес.
- Немој да се сожалувате и избегнувајте ја улогата на жртва.
- Дајте му слобода на романтичниот ум, но не заборавајте да се вратите на земјата.
- Научете да наоѓате рамнотежа помеѓу левата и десната хемисфера на мозокот.
- Развијте здраво ниво на скептицизам и тоа ќе ве заштити од манипулации.
