Претходно
Виолетова боја – идеален избор за декорација на дневната соба
Дали се работи за жестока пурпурна нијанса, која наликува на зрела слива или пак за некоја поблага варијанта налик на лаванда, виолетовата боја отсекогаш била една од поинтересните бои за декорација на централниот дел од домот – дневната соба.
Од една страна е идеална боја за да се нагласат омилените делови, а од друга страна совршено се вклопува во секој агол. Оваа боја како да има супермоќ, таа секој простор го прави ни премногу сериозен, а ни премногу разигран.
Виолетовата боја одамна се поврзува со елеганција, префинетост и духовност, но и со мудрост и рационалност. Поради својата поврзаност со лавандата, која делува смирувачки, виолетовата е боја која треба да ја внесеме во животот кога имаме потреба од ведрина и оптимизам.
Совршена е во комбинација со бела боја, особено во летниот период, а одлично се вклопува и со темносина, темносива, жолта и бледо зелена боја.
Доколку не сте расположени за драстични промени, како што е менување на бојата на ѕидовите, обидете се да ја воведете виолетовата боја преку некои декорации во домот, на пример перничиња, прекривки, ситни украси итн.
Повеќе инспирација на следната страница…
