Претходно
Ултрамодерните канцеларии на „MTV“ во Берлин
Канцелариите на најпозната музичка телевизија „MTV“ во Берлин се комплетно редизајнирани од германската агенција „Dan Pearlman“. Новоорганизираните канцеларии, сали за состаноци и соби за рекреација се приспособени да ги задоволат модерните побарувања.
Најважна карактеристика на овој простор е балансот кој се одржува на границата помеѓу работна и животна средина. Атриумот на првиот кат е вратен во живот, со внимателно одбран, забавен и колоритен мебел. Салите за јадење и состаноци собираат околу 250 луѓе, па при нивната изработка било важно, новонаправениот простор не само да ги зближи луѓето во комфорна зона, туку и да воспостави конекција помеѓу модерниот стил на светски познатата мрежа и ентериерот.
Сега вработените имаат поголема слобода на движење во овој отворен и уникатен простор, во кој исто така можат да се најдат и приватни места за мир и тишина. Очигледно момците од „Dan Pearlman“ одлично ја завршиле својата работа, создавајќи релаксирачки работен простор во кој секој би посакал да работи.
