Претходно
Совети за уредување на работниот простор во домот
Знаеме дека дури и пред пандемијата некои луѓе работеа од дома и за таа цел си имаа креирано работно катче каде можат да ги извршуваат своите работни обврски. Но, повеќето од нас не беа подготвени за новата ситуација, па така моравме како знаеме и умееме да се снаоѓаме и набрзина да направиме мала, домашна канцеларија.
Доколку и вие сте од оние кои сè уште не го уредиле работниот простор во домот, а барате начин како да го направите тоа, во продолжение ви нудиме совети за функционално, практично, но и визуелно привлечно уредување на работното катче.
Еден од главните аспекти на кои треба да размислувате кога ќе почнете со уредување се димензиите на работното биро кои ќе бидат прилагодени со останатиот простор. Тоа дефинитивно треба да содржи фиоки во кои ќе ги чувате потребните документи, материјали и прирачници. Покрај фиоките, треба да внимавате и на големината на работната површина. Доколку немате многу простор на располагање, одлична опција е работната површина што се преклопува која кога не се користи е фиксирана за ѕидот и не зафаќа простор.
Откако ќе го решите проблемот со работното биро, следно за кое треба да размислувате е каде да ги поставите полиците. Освен што можат да ви послужат како простор за складирање на книги и папки, можат и да ви ја разубават домашната канцеларија доколку ги украсите со цвеќиња. Покрај тоа, можете да му дадете личен шмек на просторот на тој начин што ќе го украсите со постери и мотивациски пораки. Со тоа ќе ја изразите вашата индивидуалност.
Имајте на ум дека работното катче е одлична можност за изразување на вашата креативност, но и добра мотивација за прецизно и навремено извршување на вашите работни обврски.
Откако ги прочитавте нашите совети за уредување на вашиот работен простор, ви препорачуваме да ги прочитате и советите според фенг шуи што ќе ви помогнат да го освежите вашиот дом.
Извор: bravacasa.rs
