Претходно
Склопувајте во која било насока: Бесконечна сложувалка која нема ниту почеток ниту крај
Кога станува збор сложувалки, сигурно и вие започнувате најпрво од краевите, па се приближувате кон средината, зар не? Но, едно студио за дизајн наречено Nervous System, создало сложувалка што нема ниту почеток ниту крај, така што можете да ја составувате на илјадници различни начини.
Станува збор за бесконечна галаксија што е украсена со фотографија од Млечниот пат и се базира на примерот за шишето на Клајн, односно, невозможната 3Д форма која има идентична површина однадвор и однатре. Ова значи дека секој дел се совпаѓа, па можете да го ставате од која било страна. Бидејќи фотографијата е продолжение од една страна на друга, не можете одеднаш да ја видите целата, туку како што ја собирате во една насока, така таа се менува.
Постојат 133 парчиња во еден пакет (вклучувајќи и три специјални – астронаут, сателит и вселенски шатл). Овој креативен дизајн не е само предизвик, туку ви овозможува и да ја испитувате галаксијата на вашата маса!
