Претходно
Шармантна колиба изградена за 500 долари со стари прозорци
Сместена во планините на Западна Вирџинија, САД, оваа интересна колиба е изградена од страна на фотографот Ник Олсон и дизајнерката Лајла Хорвиц, од стари, употребени прозорци. Издигнатата куќа, далеку од нивниот дом во Милвоки, Висконсин, има креативна фасада со прозорци во различни големини, која му дава артистички стил, кој е истовремено модерен и рурален. Куќата пред сè ја презентира трудољубивоста и штедливоста на овој пар.
Собирајќи ги повеќето од потребните материјали од околната напуштена плевна, креативното дуо успеало да ја конструира оваа неверојатна стаклена колиба, за само 500 американски долари и неколкумесечна напорна работа.
Олсон и Хорвиц не престојуваат постојано во колибата, бидејќи примарно живеат во нивниот дом во Милвоки, но уживаат одвреме-навреме да побегнат во фантастичната природа. И покрај тоа што во колибата нема струја и водоводна инсталација, сепак таа нуди освежувачка уникатност, која совршено се вклопува со природното окружување.
Хорвиц вели дека кога заоѓа сонцето, во колибата се создава спектакуларно лајтшоу низ прозорците. „Тогаш изгледа како да гори оган низ целата куќа“ – вели таа.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
