Претходно
Сан Франциско некогаш и денес, претопен во маестрални фотографии
Во точно 5 часот и 12 минути на 18 април 1906 година, Сан Франциско бил разбуден од еден мал земјотрес. Наредните 25 секунди сè било мирно, па луѓето се вратиле во своите кревети. Но, потоа следеле брутални 42 секунди, кога градот бил срушен до пепел. Зградите се треселе, канализацијата се изливала низ шахтите, улиците испопукале, но најголем проблем бил пожарот или поточно триесетината пожари.
Пожарите, всушност направиле 90% од штетата во градот, уништиле 25.000 згради во 490 блокови од градот. За многу од нив биле криви и самите пожарникари, кои не биле доволно обучени за да го спречат понатамошното ширење на пожарот.
Инспириран од катастрофалниот земјотрес кој пред повеќе од еден век го погодил неговиот град, Шон Кловер одлучил во една сесија на фотографии да прикаже како градот воскреснал. Неговите фотографии се спој на моменталните локации и сотојбата на истие места непосредно по земјотресот. Фотографиите се фантастични!
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
