Претходно
Овој необичен фустан е изработен од 343 уметници од целиот свет!
Црвениот фустан е проект замислен од страна на британската уметница Kirsti Macleod кој има за цел да ги истражува културата, идентитетот и традицијата на народи од цел свет преку текстилот и везот. Дали ви се верува дека во неговата изработка учествувале 343 уметници од 43 земји и дека проектот траел 13 години? Раскошниот свилен фустан е рачно извезен од уметници кои доаѓаат од Јужна Африка, Мексико, Египет, Кенија, Турција, Јапонија…
Уметниците биле охрабрени да најдат инспирација од сопствените животни искуства и притоа да ги внесат културните и традиционалните елементи кои би ги изразиле нивните сопствени идентитети. Така, меѓу нив има бегалци од војната, но и занаетчии кои успеале да ги зачуваат вековните традиции на своите корени и покрај пркосот на модерното време.
Откако го погледнавте овој необичен фустан, можеби ќе сакате да погледнете и како фустанот може да се претвори во вистинско ремек-дело.
Извор: mymodernmet.com
