Претходно
Неверојатни геометриски замоци од песок
Артистот Келвин Сиберт од Њујорк кој е познат по својата работа со песочните замоци, повторно ги изненадува своите фанови. Тој секој пат кога започнува со градењето, прави нешто ново и различно така што ја следи својата имагинација и му овозможува на песокот природно да оформува геометриски фигури. Резултатите се фантастични облици кои изгледаат како да се од некој друг свет.
Употребувајќи ги само своите раце и пластична алатка за израмнување, Сиберт внимателно му дава форма на деликатниот песок и го претвора во скулптури за кои се потребни часови, па дури и денови за да се завршат. Тој со помош на водата ги зацврстува овие градби, а останатата работа слободно може да му се препише на неговиот талент и искуство.
И покрај тоа што изградбата на овие замоци е малку комплицирана и понекогаш ограничена со време, Сиберт ужива во предизвиците кои му ги подготвува природата. Според него, најдобриот дел е да им се овозможи на формите да растат како „органски машини“ чија експанзија е временски ограничена само од силата на брановите.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
