Претходно
Луксузна вила на Француските Алпи која има сопствена дискотека
Датум: 30 ное 2014
Коментари: 0
Оваа вила се наоѓа на Француските Алпи и е дел од зимското одморалиште Куршвел. Наречена е Малата палата (Le Petit Palais). Таа не само што изобилува со луксуз кој е типичен за сите вили со многу ѕвезди, туку има и некои додатоци кои се просто неверојатни. Еден дел од неа е адаптиран да служи како дискотека, има и базен, сауна, спа, салон за убавина и фитнес сала. Има и винарија, а за цената следува и личен готвач.
Може комотно да прими од 12 до 15 гости во своите речиси 1.700 метри квадратни. Доколку тоа не им е доволно на гостите, таа може лесно да се спои со друга вила која се вика Малиот замок (Le Petit Chateau). На богатите авантуристи ќе им се допадне и тоа што на најблиската патека за скијање се пристапува директно од излезната врата. Вилата се проценува на 60 милиони евра, но сопственикот не ја продава. Наместо тоа, ја издава за цена од 100.000 до 240.000 евра неделно, зависно од сезоната.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
