Претходно
Зошто треба да ги следите соништата, а не парите?
Иако парите се неопходни за удобен живот, немојте да дозволувате тие да бидат врвот на вашите приоритети. Бидете онаа личност која прво ќе тргне по своите соништа и кариера, а потоа ќе размислува за парите. Погледнете зошто остварувањето соништа, а не заработувањето многу пари е клучно за среќен и исполнет живот.
Достигнувањето на соништата автоматски ќе ви донесе пари
Кога ќе дадете сè од себе за вашиот сон и кога ќе вложите сè што имате за да го остварите, со тек на време и со доволно трпение вие ќе постигнете успех. Кога ќе направите сè што е во ваша моќ за овие соништа, вие добивате одредена вредност, која потоа многу лесно може да се претвори во пари. Ако сакате да имате повеќе пари, немојте да размислувате за тоа како да ги најдете, туку како да ги создадете. Со остварувањето на сонот за кој живеете вие можете и да создадете пари. Успехот е едноставен, но мора да го преземете првиот чекор и да почнете секојдневно да работите на него.
Парите можат да исчезнат многу побрзо отколку што дошле
Интересно е како парите можат да покажат точно каква личност сте. На пример, доколку немате соодветен начин на размислување, вие дури и да добиете на лото можете брзо да изгубите сè. Од друга страна пак, ќе биде многу потешко да ги потрошите парите кои сте ги заработиле од вашиот сон за глупости. Вие знаете точно колку време и труд ви требало, па токму затоа и многу подобро ќе ги испланирате за во иднина.
Кога ќе ги остварите вашите соништа, чувството е неверојатно
Оние кои не ги следат своите соништа, не гледаат на успехот како на нешто големо бидејќи не се вложени со целото срце во тоа што го прават. Парите никогаш нема да ви бидат доста, но соништата имаат моќ да ве направат да се почувствувате целосно и задоволно од себе. Одењето кон целта е неверојатно чувство и со секој чекор се доближувате сè поблизу до среќата. На тој начин постигнувањето успех станува ваша животна цел.
Парите нема да ви донесат незаборавни искуства
Парите можат да направат да се чувствувате одлично на краток рок, но токму остварувањето на вашите соништа се оние нешта на кои во иднина ќе се навраќате назад и гордо ќе чувствувате дека ништо не сте пропуштиле. Луѓето околу вас, како и личните искуства се многу поважни од материјалните нешта. Токму тие се помнат, бидејќи искуствата за кои сте платиле целосно го губат своето значење.
Нешто треба да се вложи, нешто да се жртвува
Законот на природата налага дека не можете да бидете 100% успешни во сите животни области, целото време. Мудро одбирајте на што ќе се фокусирате бидејќи тоа значи дека има шанса другите области од вашиот живот малку да ги запоставите. Запрашајте се за што сте подготвени да се откажете за вашиот сон, но откако ќе донесете одлука бидете свесни дека ќе мора да се придружувате до неа доколку сакате да успеете до крај.
Вашиот финансиски статус нема смисла
Не се лажете, на крајот од денот, никого не го интересира колку пари имате. Кога позната личност влегува во просторија со многу луѓе, сите со восхит го гледаат она кое тој или таа го постигнале во својот живот, а не количината пари кои ја имаат на сметка. Вашиот социјален статус ќе биде најугледен доколку луѓето имаат за што да ви одадат почит.
