Претходно
Зошто настануваат недоразбирања во пишаната комуникација?
Датум: 29 окт 2014
Коментари: 0
Автор: Маја Миноска
Познато е дека повеќе недоразбирања настануваат во пишаната комуникација отколку во директниот контакт и телефонските разговори. Во време кога секојдневно ги користиме социјалните мрежи, добиваме имејлови и СМС-пораки, не ретко се случува да ни е потребно повеќе време да ја разбереме содржината, да избувнеме или да останеме збунети. Проблемот со пишаната комуникација е во недостигот на тоналитет. Без разлика колку е прецизна интерпункцијата, граматиката или општо – способноста да се структурираат речениците, доколку личноста не ве познава доволно, пораката лесно може да биде разбрана погрешно, но и вие погрешно да ја протолкувате туѓата порака.
Бидејќи во пишаната комуникација недостасува говорот на телото, зборовите и симболите имаат голема моќ. Земете ги предвид овие совети доколку сакате да ги избегнете недоразбирањата:
Не претпоставувајте
Избегнувајте да претпоставувате при пишување и читање. Индивидуалното толкување може да се разликува од вистинската содржина. Барајте јасност. Добијте повеќе информации пред да избрзате со донесување заклучок.
Предноста на сомневањето
Оставете простор за сомневање. Прочитајте го текстот повеќе пати, како би биле сигурни дека информациите ви се во целост јасни.
Одлучете се за директна комуникација
Доколку се двоумите, контактирајте го директно авторот на пораката. Постои голема веројатност тој да не претпоставил како неговата порака можела да биде протолкувана.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
