Претходно
Женствениот и елегантен стил на првата дама на Америка
Датум: 10 ное 2012
Коментари: 0
Тагови: Барак Обама, Мишел Обама, говор, елеганција, женственост, инспирација, кампања, претседател, пример, сопруга, стил
Доказ за вистинитоста на тврдењето дека зад секој успешен маж стои успешна жена, е сопругата на повторно избраниот американски претседател Барак Обама. Мишел Лаван Робинсон Обама, како што гласи нејзиното целосно име, е пример за неверојатна женственост и елеганција. Мишел Обама (48), не е само убаво лице и фигура, туку образована жена која е пример за многу девојки, идни мајки и сопруги.
Оваа извонредна жена го гради својот јавен имиџ, пред сè во улога на мајка, почитувајќи ги и нагласувајќи ги семејните вредности. Иако на почетокот не се согласува целосно со кандидатурата за претседател на нејзиниот сопруг, плашејќи се од негативен ефект врз нивните две ќерки, таа сепак последниве години активно ја поддржува кампањата на Барак. Пишувајќи некои од неговите говори, држејќи јавни настапи најчесто без претходно подготвен говор и учествувајќи во многу кампањи за подобрување на начинот на живот, Мишел докажува дека е почитувана поради нејзините лични способности, а не е ставена во сенка поради успехот на нејзиниот сопруг.
Во мај, 2006 е прогласена за една од најинспиративните жени во светот. Таа верува дека успехот се постигнува кога „макотрпно работиш за она што го сакаш во животот, цврсто стоиш на својот збор, го правиш она што си рекол дека ќе го направиш, ги почитуваш луѓето, дури и оние кои не ги познаваш или оние со кои не се согласуваш.“
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
