Претходно
Земете молив и хартија во рака: 20 начини да се опуштите со помош на цртањето
Понекогаш решението на проблемот не ви доаѓа толку лесно, иако вашиот мозок работи со „200 на час“. Ви изгледа дека решението ви е на дофат, но никако да го зграбите. Во овие ситуации, сѐ што ви е потребно е молив и хартија за да си ги соберете мислите. И тогаш само цртајте, понекогаш и не е важно што. Така ќе се смирите, а вашите мисли ќе станат похармонични. Погледнете неколку совети што да цртате во зависност од тоа како се чувствувате.
1. Замор – Цртајте цвеќе.
2. Лутина – Цртајте линии.
3. Болка – Сложувајте модели.
4. Досада – Бојте со разни бои.
5. Страв – Цртајте што било.
6. Тага – Бојте виножито.
7. Загриженост – Направете кукла.
8. Огорченост – Искинете ја хартијата на мали парчиња и сложете ги во одреден облик.
9. Анксиозност – Правете одредени фигури од хартија (оригами).
10. Носталгија – Цртајте лавиринт.
11. Разочарување – Копирајте некој портрет или цртеж.
12. Очај – Нацртајте го вашиот излез.
13. Збунетост – Цртајте индиска мандала (спиритуални и ритуални индиски симболи кои го претставуваат универзумот).
14. Кога ви е потребно да ја вратите силата – Сликајте пејзажи.
15. Кога не можете да пронајдете смисла во вашите чувства – Нацртајте автопортрет.
16. Кога сакате да го запомните моментот – Цртајте различни форми што потоа ќе ги обоите.
17. Кога ќе сакате да ги соберете мислите – Нацртајте саќе или улици кои се сечат под прав агол (квадрати).
18. Кога ви е потребно време за да го направите вистинскиот избор – Цртајте бранови или кругови.
19. Кога чувствувате дека сте заглавиле во рутина – Цртајте спирали.
20. Кога сакате самите на себе да си ја претставите најважната цел – Цртајте цели, како на пример, пикадо.
Прочитајте и зошто психолозите тврдат дека боењето е најдобрата алтернатива на медитацијата.
