Претходно
Заштитете ја вашата коса од топлина така што ќе ја обликувате без употреба на фен
Едноставно измијте ја вашата коса, протријте ја со пешкир и оставете ја да се исуши. Во зависност од формата на вашата коса, постојат неколку трикови кои можат да ви помогнат да имате привлечна фризура без притоа да ја горите со фен, пегла или фигаро. Погледнете како…
Права коса
По миењето, избришете ја вашата коса со пешкир од микрофибер кој брзо ќе ја впие водата. Откако вашата коса ќе биде половина сува, земете широк чешел и исчешлајте ја. Доколку сакате таа да биде повеќе структурирана, употребете гел од алое вера. Нанесувајте од крајот кон корените на влакното со цел да создадете текстура.
Брановидна коса
Избришете ја косата со микрофибер пешкир. Тие имаат навистина силна моќ на впивање. Откако вашата коса ќе се засуши, со помош на вашите прсти или чешел исчешлајте ја. Кога таа ќе биде околу 70% сува, нанесете малку спреј од морска сол со цел да добиете изглед како да сте биле на плажа. Доколку сакате поголеми бранови, земајте мали делови од вашата коса и нанесувајте врз нив повеќе од спрејот со морска сол.
Виткана коса
Не употребувајте четка за чешлање бидејќи на тој начин ќе завршите со бушава фризура. Едноставно користете ги вашите прсти додека ја сушите косата, а паралелно поминувајте ја и со микрофибер пешкир за да го отстраните вишокот вода. Подигнете ја косата нагоре, а потоа фрлете ја наназад. На овој начин ќе ѝ дадете волумен. Ако сакате повеќе да ги дефинирате локните, користете малку крема или масло за коса.
