Претходно
Воздушеста крем-пита
Кралица меѓу колачите, совршена како додаток на попладневното кафе, за вечера со шолја топло млеко, како утеха во тешките моменти или за послужување гости кои нема да сакаат да си заминат од вашиот дом
Потребни состојки за кората:
- 6 жолчки
- 6 лажици шеќер
- 3 лажици масло
- 3 лажици млеко
- 6 лажици брашно
За филот:
- 6 белки
- 19 лажици шеќер
- 4 пудинзи од ванила
- 1 л вода
Начин на подготовка:
- Изматете со лажица 3 жолчки со 3 лажици шеќер, 1,5 лажици масло, 1,5 лажици млеко и 3 лажици брашно или половина од состојките за кората. Кората развлечете ја во мал плех на хартија за печење и печете на 200 степени. На овој начин испечете ги двете кори.
- Потоа добро изматете ги 6-те белки со 15 лажици шеќер. Во 1 литар вода со 4 лажици шеќер сварете ги 4-те пудинзи од ванила и полека додавајте ги во изматените белки со непрестајно матење, додека масата не се соедини.
- Долната кора нека остане во плехот, преку неа жешкиот крем, а потоа горната кора. Изладете ја крем-питата во фрижидер. Пресечете ја на коцки и врз секоја посипете шеќер во прав.
Бидете секогаш во тек со новите содржини на Кафе пауза. Следете нè на Твитер или пак станете фанови на нашата страница на Фејсбук.
