Претходно
Водич за мрзливи луѓе: Како постепено да се изградите во подобри личности?
Дали сте знаеле дека мрзливоста има корени во вашите инстинкти за преживување? Многу одамна, нашите предци не требало да размислуваат долгорочно, туку морале да останат фокусирани на сегашниот момент, за да може да реагираат и да преживеат доколку бидат нападнати од непријатели, животни или пак природата. Сепак, во модерно време, кога преживувањето не е ваш врвен приоритет, овој инстинкт ги спречува некои од вас да се вклучат во одредено однесување што не нуди моментални резултати.
Причината за еден човек да биде мрзлив, врежана длабоко во структурата на неговиот мозок, не е една. Понекогаш луѓето се мрзливи затоа што го немаат пронајдено својот вистински пат и не знаат што треба да прават. Доколку за себе мислите дека сте мрзлива личност, тогаш погледнете ги овие неколку идеи кои ќе ви помогнат да се подобрите.
Почнете да вежбате
Можеби веднаш ќе си кажете дека немате време. Но, тоа не е вистина. Сѐ што ви треба е вежбање од 20 минути, 3 пати неделно, за да добиете некакви резултати. Не бидете скептици, затоа што ако не се обидете, како ќе знаете? Важно е да ги отстраните сите мисли кои ве спречуваат да преземате некаква акција. Не мора да трошите дополнително време да излегувате надвор и да одите во теретана, затоа што постојат многу вежби кои можете да ги практикувате во вашиот дом. Вежбањето е важно затоа што така ќе создадете чувство на среќа и еуфорија и понатаму ќе бидете мотивирани да извршувате и други работи.
Зголемете ја довербата
Недостатокот на доверба честопати е основен проблем на мрзливоста. Некои луѓе едноставно се родени за да развиваат поголемо ниво на доверба, додека пак на други им треба повеќе напор за да го постигнат ова. Тоа не е комплицирано. Размислете за сите работи што ги имате постигнато до сега. Не е важно дали се големи или мали, важно е дека имате постигнато нешто во животот. Ова може да ви покаже во што сте добри и да изградите одредено ниво на доверба. Исто така можете да си поставите некои цели и да ги означите кога ќе ги остварите, па на овој начин да ја зголемите и довербата. Започнете со нешто мало, како на пример средба со стар пријател, подготвување нов рецепт и слично.
Останете мотивирани и фокусирани
Не лажете се. Дури и луѓето кои не се мрзливи имаат проблем да бидат фокусирани во текот на подолг период. Клучно е да ги разберете страста и здодевноста. Многупати луѓето се откажуваат, а дури и не сакаат да започнат со нешто, само затоа што им недостига фокус и мотивација. Но, дури и успешните луѓе понекогаш се чувствуваат без мотивација и здодевно, но сепак, на некој начин успеваат да го надминат тоа. Што ги прави нив различни од останатите? Тие не им дозволуваат на емоциите да ги утврдат нивните акции и да им го отстранат вниманието од нивните планирани цели. Морате да размислувате за себе и постепено ќе се подобрите.
Предизвикајте ја вашата креативност
Почнете да мислете за себе како на некоја креативна личност. Може да ви звучи глупаво, но верувањето дека сте креативна личност, всушност ќе ви помогне да станете таква. Постојат многу методи кои може да ви помогнат да ја поттикнете креативноста. На пример, напишете листа со работи кои морате да ги завршите во текот на една недела. Креативноста е многу важна ако сакате да се подобрите себеси, затоа што таа ви ја дава потребната енергија за да ги следите вашите соништа и да ги остварите вашите цели.
Исто така настојувајте да бидете во друштво на нови луѓе со кои ќе бидете во можност да ги споделите вашите мисли, грижи и идеи. Никогаш не потценувајте ја моќта на она што ви го даваат другите како повратни информации и секогаш слушајте сѐ што ви зборуваат. Важно е да сфатите дека сакате да се промените, а за тоа е потребно време. Дружете се со мотивирани луѓе и дозволете им на ентузијазмот, енергијата и мотивацијата од другите да се префрлат и кај вас. Сѐ што ќе дозволите да влезе во вашиот ум, ќе ви влијае. Затоа, обидете се да го храните со позитивни и работи кои ќе ве мотивираат.
Потребно е да сфатите дека целата оваа трансформација е процес кој трае и дека е важно да преземате мали чекори за да уживате во малите победи. Ништо не може да биде изградено за еден ден, а дури и мал напор повремено може да ви помогне да остварите големи цели во животот.
Доколку ви е потребен дополнителен начин за победување на мрзливоста, тогаш вреди да ја погледнете и оваа јапонска метода против мрзливост!
